Shri Hit Bayalis Leela — chhnd 25

rag sughrai

aaj bane nav rang Vihari |
sakal ang Bhushan pyari ke, pahirain surang rang tanu sari || 1 ||
suti tatank mang motinu yut, kumkum aad sanvari |
anjan nain lasai nak-besri chibuk bindu chabi nyari || 2 ||
dulri jalaj pit ur angiya, karni bani balya ri |
hansat mand anchal mukh deeyain, arsi jabhin nihari || 3 ||
nirakhat ang-ang ki sobha, nain nimesh bisari |
“hit dhruv bhai adhik chabi tan ki, karat vesh sukumari || 4 ||

आज बने नव रंग विहारी।
सकल अंग भूषन प्यारी के, पहिरैं सुरँग रंग तनु सारी॥१॥
सुति ताटंक माँग मोतिनु युत, कुमकुम आड़ सँवारी।
अंजन नैंन लसै नक-बेसरि चिबुक बिंदु छबि न्यारी॥२॥
दुलरी जलज पीत उर अँगिया, करनि बनी बलया री।
हँसत मंद अंचल मुख दीयैं, आरसी जबहिं निहारी॥३॥
निरखत अंग-अंग की सोभा, नैंन निमेष बिसारी।
“हित ध्रुव भई अधिक छबि तन की, करत वेश सुकुमारी॥४॥