Shri Hit Bayalis Leela — chhnd 29

rag sarang

ati vichitra naval kunwar, rajat hain dou ri |
saghan kunj mein khelt dhing, sahachri nahinn koi ri || 1 ||
kahi-kahi kachhu baat hansi jat, mudit rang bhine ri |
jhalkat vivi besri chavi, pran chor leene ri || 2 ||
kunwar uraj parsan hit, jabhin ur bicharain ri |
kuwari ati praveen tabhin, neel pat sambharain ri || 3 ||
ihi vidhi ghan latni randhra, magan sakhi dekhain ri |
'hit dhruv' tihin sukh mein magan, nain safal lekhain ri || 4 ||

अति विचित्र नवल कुँवर, राजत हैं दोऊ री।
सघन कुंज में खेलत ढिंग, सहचरि नाहिंन कोऊ री॥१॥
कहि-कहि कछू बात हँसि जात, मुदित रँग भीने री।
झलकत विवि बेसरि छवि, प्रान चोर लीने री॥२॥
कुँवर उरज परसन हित, जबहिं उर बिचारैं री।
कुँवरि अति प्रवीन तबहिं, नील पट सँभारैं री॥३॥
इहि विधि घन लतनि रंध्र, मगन सखी देखैं री।
'हित ध्रुव' तिहिं सुख में मगन, नैंन सफल लेखैं री॥४॥