prem ki bat atapti mai | jhuk ai pyare lalan sao, man mein rahyou na jai || 1 || gahi rahe charan aur das anguli, mukhadhri ha-ha khai | rahe manai bahut nahin mani, avni paryau akulai || 2 || tosaun kahi sakhi tu pyari, yatain nahin durai | unki soch rahat man merain, dukh paihain adhikai || 3 || itni kahat aai gaye mohan, tab sahachri tan muri musikai | ‘hit dhruv’ lai ank bhari manou, rank mahanidhi pai || 4 ||
प्रेम की बाट अटपटी माई। झुक आई प्यारे लालन सौं, मन में रह्यौ न जाई॥१॥ गहि रहे चरन और दस अंगुलि, मुखधरि हा-हा खाई। रहे मनाइ बहुत नहिं मानी, अवनि पर्यौ अकुलाई॥२॥ तोसौं कही सखी तू प्यारी, यातैं नाहिं दुराई। उनकी सोच रहत मन मेरैं, दुख पैहैं अधिकाई॥३॥ इतनी कहत आइ गए मोहन, तब सहचरि तन मुरि मुसिकाई। ‘हित ध्रुव’ लई अंक भरि मानौं, रंक महानिधि पाई॥४॥