Shri Hit Bayalis Leela — chhnd 65

rag Gauri

Radha dulhini dulhu lal |
taisiyai rup madhuri ang-ang, taiseyai duhunni ke nain visal || 1 ||
taisiyai latakni lapatni atakni, taisiyai hans-hansini chal |
taisiyai chatur sakhi chahu orain, gavat rag suhag rasal || 2 ||
yah ras jo suni hai aru gavai, man lavai sab kal |
'hit dhruv' dhanya-dhanya tei jan, bhajan deepamni dipain jihi bhaal || 3 ||

राधा दुलहिनि दूलहु लाल।
तैसियै रूप माधुरी अँग-अँग, तैसेयै दुहुँनि के नैंन विसाल॥१॥
तैसियै लटकनि लपटनि अटकनि, तैसियै हंस-हंसिनी चाल।
तैसियै चतुर सखी चहुँ ओरैं, गावत राग सुहाग रसाल॥२॥
यह रस जो सुनि है अरु गावै, मन लावै सब काल।
'हित ध्रुव' धन्य-धन्य तेई जन, भजन दीपमनि दिपैं जिहि भाल॥३॥