banseevat mul khare dampati anurag bhare, gavat hain sarang piy sarang var nainni || umhi kuwari karat gaan sikhavti piy vikat tan, sapt sur sao madhur-madhur leti kokil bainni || 1 || chitrit chandan suang Bhushan phulni surang, dasan-vasan sahaj rang vesri chabi-dainni || last kanth jalaj mal jhalak swed kan rasal, deeragh var lochan mashi rekh bani painni || 2 || chahu disi sakhiyni ki bhir sakal prem ras adhir, ubhay rup rag rang sukh abhang lainni || umadyau jal prem nain rahit bhay rasan-bainn, ihi gati rahau matt chitt ‘hit dhruv’ din rainni || 3 ||
बंसीवट मूल खरे दंपति अनुराग भरे, गावत हैं सारँग पिय सारंग वर नैंनी॥ उमहि कुँवरि करत गान सिखवति पिय विकट तान, सप्त सुर सौं मधुर-मधुर लेति कोकिल बैंनी॥१॥ चित्रित चंदन सुअंग भूषन फूलनि सुरंग, दसन-वसन सहज रंग वेसरि छबि-दैंनी॥ लसत कंठ जलज माल झलक स्वेद कन रसाल, दीरघ वर लोचन मषि रेख बनी पैंनी॥२॥ चहुँ दिसि सखियनि की भीर सकल प्रेम रस अधीर, उभय रूप राग रंग सुख अभंग लैंनी॥ उमड़्यौ जल प्रेम नैंन रहित भये रसन-बैंन, इहि गति रहौ मत्त चित्त ‘हित ध्रुव’ दिन रैंनी॥३॥