kakreji sari tan gorain kaisi sobhiyat,
pit atrauta sao durang chabi nyari hai |
mukh ki panip ati chanchal nainni-gati,
dekhain 'dhruv' bhuli mati upma kaun hari hai ||
baindi lal nath sohai banyau moti man mohai,
bas bhay piy sudhi deh ki bisari hai |
gahain drum-dari ek rahi gaye taki tek,
aisai bes jab te Kisori ju nihari hai || 11 ||
काकरेजी सारी तन गोरैं कैसी सोभियत,
पीत अतरौटा सौं दुरंग छबि न्यारी है।
मुख की पानिप अति चंचल नैननि-गति,
देखैं 'ध्रुव' भूली मति उपमा कौं हारी है॥
बैंदी लाल नथ सोहै बन्यौ मोती मन मोहै,
बस भये पिय सुधि देह की बिसारी है।
गहैं द्रुम-डारी एक रहि गये ताकी टेक,
ऐसै बेस जब ते किसोरी जू निहारी है॥११॥