naval nikunj sukh punj mein rangeele lal,
dulhini-dulhu rasik sirmaur ri |
rati-ras rang sane aisain ang laptane,
parat na sudhi kachu kau hai sham-gaur ri ||
maharas madhuri kaun piwat hain jyoun-jyoun dou,
badhti adhik ali tyaun-tyaun pyas aur ri |
'hit dhruv' heri-heri karti bichar sakhi,
kaun prem kaun rup juryau ik thaur ri || 20 ||
नवल निकुंज सुख पुंज में रँगीले लाल,
दुलहिनि-दूलहु रसिक सिरमौर री।
रति-रस रंग साने ऐसैं अंग लपटाने,
परत न सुधि कछु कौ है स्याम-गौर री॥
महारस माधुरी कौं पीवत हैं ज्यौं-ज्यौं दोउ,
बढ़ति अधिक आली त्यौं-त्यौं प्यास और री।
'हित ध्रुव' हेरि-हेरि करति बिचार सखी,
कौन प्रेम कौन रूप जुर्यौ इक ठौर री॥२०॥