kesri surang ik rang bage duhunni ke,
Yamuna ke kool-kool bahan-jori avhin |
sakhinu ke yooth saath aavat hain pachhain achhain,
hit ki nikat sakhi sang lagi gavhin ||
kahun-kahun thadhe hoi dekht phulni chabi,
man bhaye rang lai lai priyhi banavhin |
ati albeli bhanti phirain albele dou,
karat binod ‘dhruv’ je je man bhavhin || 32 ||
केसरी सुरंग इक रंग बागे दुहुँनि के,
जमुना के कूल-कूल बाहाँ-जोरी आवहीं।
सखिनु के यूथ साथ आवत हैं पाछैं आछैं,
हित की निकट सखी संग लागी गावहीं॥
कहूँ-कहूँ ठाढ़े होइ देखत फूलनि छबि,
मन भाये रंग लै लै प्रियहि बनावहीं।
अति अलबेली भाँति फिरैं अलबेले दोऊ,
करत बिनोद ‘ध्रुव’ जे जे मन भावहीं॥३२॥