naval rasik piy ek man ek hiy,
ekai baat hai suhati duhunni ke man kaun |
ek vais ek jor ek se Bhushan pat,
ek si chhabili chabi rajti hai tan kaun ||
rup hi ke rang bhine lochan chakor keenhen,
ekai sang chahain aisain jaisain meen van kaun |
‘hit dhruv’ rasik siromni jugal binu,
ali ko nivahai ek ras prem pan kaun || 40 ||
नवल रसिक पिय एक मन एक हिय,
एकै बात है सुहाति दुहुँनि के मन कौं।
एक वैस एक जोर एक से भूषन पट,
एक सी छबीली छबि राजति है तन कौं॥
रूप ही के रंग भीने लोचन चकोर कीन्हें,
एकै संग चाहैं ऐसैं जैसैं मीन वन कौं।
‘हित ध्रुव’ रसिक सिरोमनि जुगल बिनु,
आली को निवाहै एक रस प्रेम पन कौं॥४०॥