chhuvat na rasik rangeelau lal pyari ju kaun,
manhun ke karn sao chhuvat darat hain |
prem ki naulasi pyari sahaj hi sukumari,
prannin ki chhaya tin upar karat hain ||
neku hi kau has sakhi sar hai bilasni kau,
jake herain aur sab sukh bisrat hain |
atihi aasakt taki ‘hit dhruv’ yahi gati,
rijhi-rijhi duri hi ten panini parat hain || 43 ||
छुवत न रसिक रँगीलौ लाल प्यारी जू कौं,
मनहूँ के करन सौं छुवत डरत हैं।
प्रेम की नौलासी प्यारी सहज ही सुकुमारी,
प्राननिं की छाया तिन ऊपर करत हैं॥
नेकु ही कौ हास सखी सार है बिलासनि कौ,
जाके हेरैं और सब सुख बिसरत हैं।
अतिही आसक्त ताकी ‘हित ध्रुव’ यहै गति,
रीझि-रीझि दूरि ही तें पाँइनि परत हैं॥४३॥