pyari ju ki unhar piy kai ahar yahi,
hiyhu kau har chhin chit ten na tarhin |
ang ki suvas par bhramat bhanvar man,
lochan chhabili ju ki chabi hi niharhin ||
pal-pal panip tarang-rang aurai-aur,
madhuri subhaini ki amit aparhin |
‘hit dhruv’ prem-ras-bivas rahat din,
chitai-chitai mukh or pranni kaun varhin || 41 ||
प्यारी जू की उनहार पिय कै अहार यहै,
हियहू कौ हार छिन चित तें न टारहीं।
अंग की सुवास पर भ्रमत भँवर मन,
लोचन छबीली जू की छबि ही निहारहीं॥
पल-पल पानिप तरंग-रंग औरै-और,
माधुरी सुभाइनि की अमित अपारहीं।
‘हित ध्रुव’ प्रेम-रस-बिवस रहत दिन,
चितै-चितै मुख ओर प्राननि कौं वारहीं॥४१॥