aaj ki chhabili chabi-chhata chit bedhi rahi,
kahi nahi jati kachhu aurai gati bhai hai |
naval yugal-has chitavti thadhi paas,
manou tehi or nai neh-beli bai hai ||
‘hit dhruv’ Niraj se nir bhare dharain nain,
bolti na kachhu bainn chitra si hvai gayi hai |
nainna chhai leenhen rup pari tab prem kup,
baki gati janai soi jehi anbhai hai || 42 ||
आज की छबीली छबि-छटा चित बेधि रही,
कही नहीं जाति कछू औरै गति भई है।
नवल युगल-हास चितवति ठाढ़ी पास,
मानौं तेहि ओर नई नेह-बेलि बई है॥
‘हित ध्रुव’ नीरज से नीर भरे ढरैं नैन,
बोलति न कछू बैंन चित्र सी ह्वै गई है।
नैंना छाइ लीन्हें रूप परी तब प्रेम कूप,
बाकी गति जानै सोई जेहि अनभई है॥४२॥