॥ Prem Ki Peer ॥
shri bhori sakhi (shri bholanath ji) · 459 pad
shri bhori sakhi ke virah aur prem ke pad — guru vandana, Priya vandana, atma-nivedan, sharanagati aadi prasangon mein.
pad 1
ras ghan guru padAh vyas putrastathaiv,
jayati rasik natho Radhika ballabhashcha |
van him kar mukhyo nad bindu swarup
rasik-nripti-vansho me gatih sarwadastu ||
रस घन गुरु पादाः व्यास पुत्रस्तथैव,
जयति रसिक नाथो राधिका बल्लभश्च।
वन हिम कर मुख्यो नाद बिन्दु स्वरूपः
रसिक-नृपति-वंशो मे गतिः सर्वदास्तु॥pad 1
mere jeevan pran dhan, shri guru charan saroj |
dhyan dharat pragtat hriday, dampati keli Manoj || 1 ||
मेरे जीवन प्राण धन, श्री गुरु चरण सरोज।
ध्यान धरत प्रगटत हृदय, दम्पति केलि मनोज॥१॥pad 2
guru pad nakh ki chandni, metat bhav andhiyar |
koti - koti chintamni, jin par daraun war || 2 ||
गुरु पद नख की चाँदनी, मेटत भव अँधियार।
कोटि - कोटि चिन्तामणी, जिन पर डारौं वार॥२॥pad 3
bhali - bhali sab let hain, vastu parkhi kai theek |
khote das anath ke, tum hi gahak neek || 3 ||
भली - भली सब लेत हैं, वस्तु परखि कै ठीक।
खोटे दास अनाथ के, तुम ही गाहक नीक॥३॥pad 4
shri Radha janun nahi, nahin janun Ghanshyam |
tav pad pankaj bin kahun, mohi na sujhat thaam || 4 ||
श्री राधा जानूँ नहीं, नहिं जानूँ घनश्याम।
तव पद पङ्कज बिन कहूँ, मोहि न सूझत ठाम॥४॥pad 5
shriji sanmukh kahat je, vinay geet prati dyaus |
tei it sangrah karon, karuna kor bhros || 5 ||
श्रीजी सन्मुख कहत जे, विनय गीत प्रति द्यौस।
तेई इत संग्रह करों, करुणा कोर भरोस॥५॥pad 6
shri guru gopeelal mam, shri Govardhan lal |
isht dev Harivansh hit, poch patit pratipal || 6 ||
श्री गुरु गोपीलाल मम, श्री गोवर्धन लाल।
इष्ट देव हरिवंश हित, पोच पतित प्रतिपाल॥६॥pad 7
shri guru charan renu bali jaun |
shrihit rup prakt Govardhan lal, charan yug pankaj dhyaun |
tumson mohi machlibau ab tau, jyau tyun shri hit darshan paun ||
bhari-bhari nayan madhuri pi-pi, matt mudit balhari jaun |
bhori hit kripal karuna nidhi, tum binu aur na dujau thaun ||
श्री गुरु चरण रेणु बलि जाऊँ।
श्रीहित रूप प्रकट गोवर्धन लाल, चरण युग पंकज ध्याऊं।
तुमसों मोहि मचलिबौ अब तौ, ज्यौ त्यों श्री हित दर्शन पाऊँ॥
भरि-भरि नयन माधुरी पी-पी, मत्त मुदित बलिहारी जाऊँ।
भोरी हित कृपाल करुणा निधि, तुम बिनु और न दूजौ ठाऊँ॥pad 8
shri guru charan renu chit laun |
shri hit gopeelal kripa par, bar - bar bali jau ||
pamar poch patit ati dukhiya, tumharo tadpi kahau |
kbahu charan kamal ki mahima, nirakhi-nirakhi sachu paun ||
shri Harivansh kripalu daras kaun, bar - bar lalchaun |
kaun bhanti bhari nayan dekhi kai, durbal baanh gahaun ||
tumharau bal hiyra mein mere, tumhen pukari sunaun |
bhori hit jag vidit ravrau, poch nivahan paun
श्री गुरु चरण रेणु चित लाऊँ।
श्री हित गोपीलाल कृपा पर, बार - बार बलि जाऊ॥
पामर पोच पतित अति दुखिया, तुम्हरो तदपि कहाऊ।
कबहूँ चरण कमल की महिमा, निरखि-निरखि सचु पाऊँ॥
श्री हरिवंश कृपालु दरस कौं, बार - बार ललचाऊँ।
कौन भाँति भरि नयन देखि कै, दुर्बल बाँह गहाऊँ॥
तुम्हरौ बल हियरा में मेरे, तुम्हें पुकारि सुनाऊँ।
भोरी हित जग विदित रावरौ, पोच निवाहन पाऊँpad 9
jai-jai shri Harivansh gusai |
jai mohan kar kamal yugal par, venu rup shruti gai ||
jai-jai leela lalit manohar, manas raj marala |
jai sukh sagar rup ujagar, karan rahit kripala ||
arti haran sharan sukh dayak, karuna sindhu dayala |
jai-jai-adham udharan rasnidhi, rasik sabha pratipala ||
jai sharanagat vatsal hit vapu, rahsi keli vistari |
maya manush rup manohar, haran moh bhram bhari ||
ashran sharan sahaj karunanidhi, Radha charan upasi |
Radha pran deh tan sarbas, kujh keli sukh rasi ||
jadyapi mohan adhar sudha ras, pan karat sukh pai |
tadyapi Radha naam ratat nit, gupt riti pragtai ||
mahima amit kaha mukh varnaun, sharad par na pavai |
haun to charan sharan karunanidhi, tasaun kachu kahi avai ||
yah janat haun avsi kripa kari, kbahu par lagai hau |
yah mangat dai darshan kabhunk, hansi - hansi juthan daihau ||
tab jo karo bhali so sabhi, ab tau yah man bhavai |
bhori juthan khai udar bhari, baithi Vimal gun gavai ||
जय-जय श्री हरिवंश गुसाई।
जय मोहन कर कमल युगल पर, वेणु रूप श्रुति गाई॥
जय-जय लीला ललित मनोहर, मानस राज मराला।
जय सुख सागर रूप उजागर, कारण रहित कृपाला॥
आरति हरण शरण सुख दायक, करुणा सिन्धु दयाला।
जय-जय-अधम उधारण रसनिधि, रसिक सभा प्रतिपाला॥
जय शरणागत वत्सल हित वपु, रहसि केलि विस्तारी।
माया मानुष रूप मनोहर, हरण मोह भ्रम भारी॥
अशरण शरण सहज करुणानिधि, राधा चरण उपासी।
राधा प्राण देह तन सरबस, कुझ केलि सुख रासी॥
जद्यपि मोहन अधर सुधा रस, पान करत सुख पाई।
तद्यपि राधा नाम रटत नित, गुप्त रीति प्रगटाई॥
महिमा अमित कहा मुख वरणौं, शारद पार न पावै।
हौं तो चरण शरण करुणानिधि, तासौं कछु कहि आवै॥
यह जानत हौं अवसि कृपा करि, कबहूँ पार लगै हौ।
यह माँगत दै दरशन कबहुँक, हँसि - हँसि जूठन दैहौ॥
तब जो करो भली सो सबही, अब तौ यह मन भावै।
भोरी जूठन खाइ उदर भरि, बैठि विमल गुन गावै॥pad 10
aur na Radha, Shyam na duje |
sab vidhi dou prasann karunanidhi, Shri Harivansh charan raj puje ||
priti riti binu vyakul bhori, thaur theek nahin ab kahun sujhai |
vyas suvan binu ko as dujau, jo ab peer hiye ki bujhai ||
और न राधा, श्याम न दूजे।
सब विधि दोउ प्रसन्न करुणानिधि, श्रीहरिवंश चरण रज पूजे॥
प्रीति रीति बिनु व्याकुल भोरी, ठौर ठीक नहिं अब कहुँ सूझै।
व्यास सुवन बिनु को अस दुजौ, जो अब पीर हिये की बूझै॥pad 11
ka janon kab bhag jagi hai |
shri Harivansh charan raj ur dhari, jugal rup ras pagi hai |
rasikan so nit milbau-julbau, vimurkh sang hath tyag hai ||
badhi hai nit ur milan chatapti, charan kamal anuragi hai |
bhori rasik kripa so kbahu, priti anokhi lagi hai ||
का जानों कब भाग जागि है।
श्री हरिवंश चरण रज उर धरि, जुगल रूप रस पागि है।
रसिकन सों नित मिलबौ-जुलबौ, विमुख संग हठ त्याग है॥
बढ़ि है नित उर मिलन चटपटी, चरण कमल अनुरागि है।
भोरी रसिक कृपा सों कबहूँ, प्रीति अनोखी लागि है॥pad 12
aisi tumhin ki bujhiye Harivansh kripala
haun to lago charan se, ur as vishala ||
avlamba ik tiharon, koi na aur mero |
punya nahi gaanth kachhu, paap tau ghanerau |
jo kachu ab hoi - hoi, haun na kachhu magaun |
aisi man mero karo, charan anuragon ||
ripu sam sab lagai jagat, pankaj pag pyare |
din to kate gunan ganat, raat ginat tare ||
jugal milan chatapti, ur mein adhikave |
asan basan jagatpreeti, nek na suhave ||
sahaj kripa sindhu begi, methu bhav bhari |
bhori hiy prem dehu, charan balhari || |
ऐसी तुमहिं कि बूझिये हरिवंश कृपाला
हौं तो लगो चरण से, उर आस विशाला॥
अवलम्ब इक तिहारों, कोऊ न और मेरो।
पुण्य नहीं गाँठ कछू, पाप तौ घनेरौ।
जो कछु अब होइ - होइ, हौं न कछू मागौं।
ऐसी मन मेरो करो, चरणन अनुरागों॥
रिपु सम सब लगै जगत, पंकज पग प्यारे।
दिन तो कटे गुणन गनत, रात गिनत तारे॥
जुगल मिलन चटपटी, उर में अधिकावे।
असन बसन जगत्प्रीति, नेक ना सुहावे॥
सहज कृपा सिंधु बेगि, मेटहु भव भारी।
भोरी हिय प्रेम देहु, चरणन बलिहारी॥।pad 13
kyon na dravhu Harivansh kripala |
bahut ber bhai karat beenti, arat haran dayala ||
hon to daman lagi tihare, sunhu adham pratipala ||
bhori bali ab ver na keejiy, tan man. Hot bihala ||
क्यों न द्रवहु हरिवंश कृपाला।
बहुत बेर भई करत बीनती, आरत हरण दयाला॥
हों तो दामन लगी तिहारे, सुनहु अधम प्रतिपाला॥
भोरी बलि अब वेर न कीजिय, तन मन. होत बिहाला॥pad 14
vyas kunwar hansi kaho ladile, yah kaise bani avai |
shiv sankadi Vishnu brahmaadik, jehi pad raj sir lave ||
so mohan jehi mukh ras batiyan, sunibe nit lalchavai
kis vidhi so kripalu albeli, hansi mosaun batravai ||
papi adham patit ati khoti, tauhu dheer na avai |
bhori ki yah bhori asa, tum bin kaun pujavai ||
व्यास कुँवर हँसि कहो लाड़िले, यह कैसे बनि आवै।
शिव सनकादि विष्णु ब्रह्मादिक, जेहि पद रज सिर लावे॥
सो मोहन जेहि मुख रस बतियां, सुनिबे नित ललचावै
किस विधि सो कृपालु अलबेली, हँसि मोसौं बतरावै॥
पापी अधम पतित अति खोटी, तौहू धीर न आवै।
भोरी की यह भोरी आसा, तुम बिन कौन पुजावै॥pad 15
umdat ras payodhi ankhiyan mein |
shrihit sakhi kripal sunon ab, tum tau shreshth sabhi sakhiyan mein ||
sab par sahaj kripa ras barsat, kripa sudrishti kankhiyan mein |
kyon na pukar sunon, ras pyasi bhori ter rahi dukhiyan mein ||
उमड़त रस पयोधि अँखियन में।
श्रीहित सखी कृपाल सुनों अब, तुम तौ श्रेष्ठ सभी सखियन में॥
सब पर सहज कृपा रस बरसत, कृपा सुदृष्टि कनखियन में।
क्यों न पुकार सुनों, रस प्यासी भोरी टेर रही दुखियन में॥pad 16
shri Harivansh kripa bali kije |
nij sarbas bhari nayan dikhavhu, mo sarbas sab leejai ||
aiso mo hiy karahu kripavidhi, chhin-chhin umgi paseeje |
binu dekhe pal dheer na avai, virah tap tan chheejai ||
lochan chhake rahayn wa mukh pai, hiyau rang so bheejai |
binu hit badhan na aur suhavai, nit nav madhuri peejai ||
tum binu kachu na sunai nahin dekhai, dekh-dekh chavi jeejai |
bhori din dukhari yachak, rijh dan yah deejai ||
श्री हरिवंश कृपा बलि कीजे।
निज सरबस भरि नयन दिखावहु, मो सरबस सब लीजै॥
ऐसो मो हिय करहु कृपानिधि, छिन-छिन उमगि पसीजे।
बिनु देखे पल धीर न आवै, विरह ताप तन छीजै॥
लोचन छके रहैं वा मुख पै, हियौ रंग सों भीजै।
बिनु हित बढ़न न और सुहावै, नित नव माधुरि पीजै॥
तुम बिनु कछु न सुनै नहिं देखै, देख-देख छवि जीजै।
भोरी दीन दुखारी याचक, रीझ दान यह दीजै॥pad 17
shri Harivansh charan chit dhari haun |
tumhre bal kripal karuna nidhi, sab hi shank bisri haun |
kbahu bhag jagai hau aise, umgat paanv pakri haun ||
matt mudit dolit ras chhaki, sab ki laj nidri hon |
bhori hit bal charan kamal ke, garjat-garjat mari haun ||
श्री हरिवंश चरन चित धरि हौं।
तुम्हरे बल कृपाल करुणा निधि, सब ही शंक बिसरि हौं।
कबहूँ भाग जगै हौ ऐसे, उमगत पाँव पकरि हौं॥
मत्त मुदित डोलत रस छाकी, सब की लाज निदरि हों।
भोरी हित बल चरण कमल के, गरजत-गरजत मरि हौं॥pad 18
aisi hons badhat ur bhahin |
hit Harivansh kripalu kripavidhi, kabuhu gahau hansi bahin ||
jadyapi poch patit shath mosau, dujau tribhuvan nahin |
garjat tadpi phiraungi nirbhay, pag pankaj ki chhahin ||
tribhuvan vaibhav trinlaun ganihaun, shiv aj bhag sarahin |
bhori hit pad kanj gahe binu, jeevan janam vrithahin ||
ऐसी होंस बढ़त उर भाहीं।
हित हरिवंश कृपालु कृपानिधि, कबहुँ गहौ हँसि बाहीं॥
जद्यपि पोच पतित शठ मोसौ, दूजौ त्रिभुवन नाहीं।
गरजत तदपि फिरौंगी निर्भय, पग पंकज की छाहीं॥
त्रिभुवन वैभव तृनलौं गनिहौं, शिव अज भाग सराहीं।
भोरी हित पद कंज गहे बिनु, जीवन जनम वृथाहीं॥pad 19
hon Harivansh ke dwaar dari |
kahu ke na uthaye uthi haun, in so machal pari ||
koti janm lagi ragar kripavidhi, haun hath kari ju ari |
banihai jo pai banaihau tum hi, baat natar vigri ||
kahu so nahin kaj kachhu ab, haun ju bhai tumhari |
bhoro hit ras pyaso yachak, vilpat har khari ||
हों हरिवंश के द्वार डरी।
काहू के न उठाये उठि हौं, इन सों मचल परी॥
कोटि जन्म लगि रगर कृपानिधि, हौं हठ करि जु अरी।
बनिहै जो पै बनैहौ तुम ही, बात नतर विगरी॥
काहू सों नहिं काज कछू अब, हौं जु भई तुम्हरी।
भोरो हित रस प्यासो याचक, विलपत हार खरी॥pad 20
shri Radhavallabh rang bhare lal |
kbahu mohi kripa kari herau, charan sharan pratipal ||
kabhen haro hriday kathinai, komal chitt kripal |
aisi priti hiye mein deejai, jarhun virah ki jwaal ||
tribhuvan vidit kishor-kishori, param udaar dayal |
bhori hriday priti hansi deejai, vilpat dwaar vihal ||
श्री राधावल्लभ रंग भरे लाल।
कबहूँ मोहि कृपा करि हेरौ, चरण शरण प्रतिपाल॥
कबहें हरो हृदय कठिनाई, कोमल चित्त कृपाल।
ऐसी प्रीति हिये में दीजै, जरहुँ विरह की ज्वाल॥
त्रिभुवन विदित किशोर-किशोरी, परम उदार दयाल।
भोरी हृदय प्रीति हँसि दीजै, विलपत द्वार विहाल॥pad 21
jai-jai Radhavallabh rasik raseele |
koti Madan-man-mathan manohar, raka koti Chandra sharmeele ||
karuna dham kishor kripavidhi, rasik shiromani rang rangeele |
yugal ek vapu dugunit shobha, kripa apaar chhabeele ||
hit Harivansh ladile pyare, din janan ke dil dardeele |
bhori or kripa kari herau, charan sharan ki laj lajeele ||
जय-जय राधावल्लभ रसिक रसीले।
कोटि मदन-मन-मथन मनोहर, राका कोटि चन्द्र शरमीले॥
करुणा धाम किशोर कृपानिधि, रसिक शिरोमणि रंग रंगीले।
युगल एक वपु दुगुणित शोभा, कृपा अपार छबीले॥
हित हरिवंश लाड़िले प्यारे, दीन जनन के दिल दरदीले।
भोरी ओर कृपा करि हेरौ, चरण शरण की लाज लजीले॥pad 22
megh Shyam mukunda kripala |
madhur-madhur anand murti tum, chavi nidhi rup rasala |
gadho priti hiye mein deejai, karuna sindhu dayala ||
priy pad darash chatapdi lage, baadh virah vishala |
bhori shri Harivansh vachan bal, yachat tohi gupala ||
मेघ श्याम मुकुन्द कृपाला।
मधुर-मधुर आनन्द मूर्ति तुम, छवि निधि रूप रसाला।
गाढ़ो प्रीति हिये में दीजै, करुणा सिंधु दयाला॥
प्रिय पद दरश चटपदी लागे, बाढ़ विरह विशाला।
भोरी श्री हरिवंश वचन बल, याचत तोहि गुपाला॥pad 23
komal chit man mohan, kabhu meri surti karaihau |
sahaj kripal dayanidhi pyare, jab-tab avsar paihau |
sahaj dravan ki ban sada hau, dil dardeele kahaihau ||
arat haran din dukhiya ki, binay sunat chit laihau |
bhori bali-bali jai charan pai, soyo bhag jagaihau ||
कोमल चित मन मोहन, कबहू मेरी सुरति करैहौ।
सहज कृपाल दयानिधि प्यारे, जब-तब अवसर पैहौ।
सहज द्रवन की बान सदा हौ, दिल दरदीले कहैहौ॥
आरत हरण दीन दुखिया की, बिनय सुनत चित लैहौ।
भोरी बलि-बलि जाइ चरण पै, सोयो भाग जगैहौ॥pad 24
sundar mohan rasik raseele |
akhil lok chudamani pyare, koti kalanidhi badan chhabeele ||
brahma Vishnu shambhu sankaadik, mahisa rahe bichar bichri |
hare ved puran shastr sab, gungan ginat na pavat pari ||
parbrahmma parmarath pyare, murleedhar kripal ras dani |
adham udharan rasik shiromani, pyari charan sahaj rati mani ||
shish kireet shravan Mani kundal, peetambar odhain chatkeelau |
neelambud sundar tan pyare, chanchal chitvan Charu hanseelau ||
bhori bhaal ku ank mitavau, pranat pal dil ke dardeele |
nav-nav neh Priya pad doje, chatur mukut mani rang rangeele ||
सुन्दर मोहन रसिक रसीले।
अखिल लोक चूड़ामणि प्यारे, कोटि कलानिधि बदन छबीले॥
ब्रह्मा विष्णु शंभु सनकादिक, महिसा रहे बिचार बिचारी।
हारे वेद पुराण शास्त्र सब, गुनगन गिनत न पावत पारी॥
परब्रह्म परमारथ प्यारे, मुरलीधर कृपाल रस दानी।
अधम उधारण रसिक शिरोमणि, प्यारी चरण सहज रति मानी॥
शीश किरीट श्रवन मनि कुंडल, पीताम्बर ओढ़ैं चटकीलौ।
नीलाम्बुद सुन्दर तन प्यारे, चंचल चितवन चारु हँसीलौ॥
भोरी भाल कु अंक मिटावौ, प्रणत पाल दिल के दरदीले।
नव-नव नेह प्रिया पद दोजे, चतुर मुकुट मणि रंग रंगीले॥pad 25
shri Harivansh kishor tihare nayan kripa ras barse |
jihi dis chhin kari kripa vilokau, hriday prem ras sarsai ||
karan rahit kripa patitan pam, hiye madhuri darse 8
kathin abhag kaun vidhi kahiye, bhori ab lag tarsai ||
श्री हरिवंश किशोर तिहारे नयन कृपा रस बरसे।
जिहि दिस छिन करि कृपा विलोकौ, हृदय प्रेम रस सरसै॥
कारण रहित कृपा पतितन पं, हिये माधुरी दरसे 8
कठिन अभाग कौन विधि कहिये, भोरी अब लग तरसै॥pad 26
shri Harivansh kishor ladle tum sao bhanvar pari |
tumhre sang kati sab jag te sab vidhi bhai tihari ||
ab tau kaj na kachu kahu so lok-leek so nyari |
tribhuvan charan kamal par varaun koti pran balhari ||
tum binu ko mam as pujavai kahihaun kahi pukari |
jo ruchi hoi karau karunanidhi main mukh kahun kahari ||
poch pran ki bhet chadhavat, laj lagat ati bhari |
drig bhari rup madhuri peevaun mangat god pasari ||
natar gadhi peer virah ki, milan chatapti bhari |
ban-ban dehu bhatkibau bhori, terat naam sadari ||
श्री हरिवंश किशोर लाड़ले तुम सौं भाँवर पारी।
तुम्हरे संग कटी सब जग ते सब विधि भई तिहारी॥
अब तौ काज न कछु काहू सों लोक-लीक सों न्यारी।
त्रिभुवन चरण कमल पर वारौं कोटि प्राण बलिहारी॥
तुम बिनु को मम आस पुजावै कहिहौं काहि पुकारी।
जो रुचि होइ करौ करुणानिधि मैं मुख कहौं कहारी॥
पोच प्राण की भेंट चढ़ावत, लाज लगत अति भारी।
दृग भरि रूप माधुरी पीवौं माँगत गोद पसारी॥
नातर गाढ़ी पीर विरह की, मिलन चटपटी भारी।
बन-बन देहु भटकिबौ भोरी, टेरत नाम सदारी॥pad 27
hit Harivansh kishor ladile, tumhre dwaar ari |
tare tarat na barjau manat, tum sao machal pari |
kab ki rup madhuri pyasi, terat dwaar khari ||
lai lai naam vinay bahu bhakhi, bhanak na kan pari |
ab tau than lai varu janman, binti karhun rari ||
tum so ragar janm kotin lagi, as ek tumhari |
jo kachu hoi su hoi kripavidhi, rahi hon har dari ||
tum par mohi phakeerin honau, tek yahi hamri |
bhori shri Harivansh swamini, kripa piyush bhari ||
हित हरिवंश किशोर लाड़िले, तुम्हरे द्वार अरी।
टारे टरत न बरजौ मानत, तुम सौं मचल परी।
कब की रूप माधुरी प्यासी, टेरत द्वार खरी॥
लै लै नाम विनय बहु भाखी, भनक न कान परी।
अब तौ ठान लई वरु जन्मन, बिनती करहुँ ररी॥
तुम सों रगर जन्म कोटिन लगि, आस एक तुम्हरी।
जो कछु होइ सु होइ कृपानिधि, रहि हों हार डरी॥
तुम पर मोहि फकीरिन होनौ, टेक यही हमरी।
भोरी श्री हरिवंश स्वामिनी, कृपा पियूष भरी॥pad 28
kbahu mohi umgi apnaihau |
hit Harivansh kishor ladile kab dhig ter bulaihau |
sajal paunchhi drig baanh pakri kai mand-mand musikaihau ||
puchhat kushal kripal ladile hiy kau shul mitaihau |
rang bharau rup dikhe hau nit-nit ankhiyan mahi samaihau ||
daihau bas panv pankaj mein lochan kor chitaihau |
bhori hit ati din dukhi ki kab binti chit laihau ||
कबहूँ मोहि उमगि अपनैहौ।
हित हरिवंश किशोर लाड़िले कब ढिग टेर बुलैहौ।
सजल पौंछि दृग बाँह पकरि कै मन्द-मन्द मुसिकैहौ॥
पूछत कुशल कृपाल लाड़िले हिय कौ शूल मिटैहौ।
रँग भरौ रूप दिखे हौ नित-नित अँखियन माहि समैहौ॥
दैहौ बास पांव पंकज में लोचन कोर चितैहौ।
भोरी हित अति दीन दुखी की कब बिनती चित लैहौ॥pad 29
vyakul man kbahu samujhavau |
hit Harivansh kishor kripavidhi, sapne daras dikhavau |
dhiraj dehu adhir dukhi kaun, sab hi shank mitavau ||
natau satya karau apne mukh, charan suvas basavau |
bhori don dukhi yachak ki, ab vinati chit lavi ||
व्याकुल मन कबहूँ समुझावौ।
हित हरिवंश किशोर कृपानिधि, सपने दरस दिखावौ।
धीरज देहु अधीर दुखी कौं, सब ही शंक मिटावौ॥
नातौ सत्य करौ अपने मुख, चरणन सुवस बसावौ।
भोरी दोन दुखी याचक की, अब विनती चित लावी॥