Shri Hit Chaurasi Ji — pad 48

bani vrishabhan nandini aaju |
Bhushan-vasan vivid pahire tan, piy mohan hit saju ||
hav-bhav lavanya bhrikuti lat, harat juvti-jan paju |
taal bhed aughar sur suchat, Nupur kinkini baju ||
nav nikunj abhiram Shyam sang, neekau banyau samaju |
(jai shri) hit Harivansh vilas-raas jut, jori avichal raju || 48 ||

बनी वृषभानु नन्दिनी आजु ।
भूषन-वसन विविध पहिरे तन, पिय मोहन हित साजु ॥
हाव-भाव लावन्य भृकुटि लट, हरत जुवति-जन पाजु ।
ताल भेद औघर सुर सूचत, नूपुर किंकिणि बाजु ॥
नव निकुंज अभिराम श्याम सँग, नीकौ बन्यौ समाजु ।
(जै श्री) हित हरिवंश विलास-रास जुत, जोरी अविचल राजु ॥48॥