Shri Hit Chaurasi Ji — pad 49

dekhi sakhi Radha piy keli |
ye dou khori, khirak Giri gahwar,
bihrat kunwar kantha bhuj meli ||
ye dou navalkishor rup nidhi,
vitap tamal kanak manau beli |
adhar adan chumban-parirambhan,
tan pulkit anand ras jheli ||
pat-bandhan kanchuki kuch parsat,
kop kapt nirakhat kar peli |
(jai shri) hit Harivansh lal ras lampt,
dhai dharat ur beech sakeli || 49 ||

देखि सखी राधा पिय केलि ।
ये दोऊ खोरि, खिरक गिरि गहवर,
बिहरत कुँवर कण्ठ भुज मेलि ॥
ये दोऊ नवलकिशोर रूप निधि,
विटप तमाल कनक मनौं बेलि ।
अधर अदन चुम्बन-परिरम्भन,
तन पुलकित आनँद रस झेलि ॥
पट-बंधन कंचुकि कुच परसत,
कोप कपट निरखत कर पेलि ।
(जै श्री) हित हरिवंश लाल रस लंपट,
धाइ धरत उर बीच सकेलि ॥49॥