Shri Hit Chaurasi Ji — pad 61

aaju sakhi van mein ju bane prabhu, nachat hain brajmandan |
vais kishor juvti ansan par, diye Vimal bhuj dandan ||
komal kutila alak suthi shobhit,avlambit yug gandan |
manhun madhup thkit ras-lampat, neel kamal ke khandan ||
has-vilas harat sabkau man, kam samuh vihandan |
(jai shri) hit Harivansh karat apnaun jas, pragat akhil brahmandan || 61 ||

आजु सखी वन में जु बने प्रभु, नाचत हैं ब्रजमंडन।
वैस किशोर जुवति अंसन पर, दिये विमल भुज दंडन॥
कोमल कुटिल अलक सुठि शोभित,अवलम्बित युग गंडन।
मानहुँ मधुप थकित रस-लम्पट, नील कमल के खंडन॥
हास-विलास हरत सबकौ मन, काम समूह विहंडन।
(जै श्री) हित हरिवंश करत अपनौं जस, प्रगट अखिल ब्रह्मण्डन ॥61॥