Shri Hit Chaurasi Ji — pad 70

aaju samharat nahinn gori |
phuli phirat matt karini jyoun, surat-samudra jhakori ||
alas balit arun dhusar mashi, pragat karat drig chori |
piy par karun ami ras barsat, adhar arunta thori ||
bandhat bhring uraj ambuj par, alak nibandha kishori |
sangam kirach-kirach kanchuki band, shithil bhai kati dori ||
det asees nirakhi juvteejan, jinkai priti na thori |
(jai shri) hit Harivansh vipin bhutla par, santat avichal jori || 70 ||

आजु सम्हारत नाहिंन गोरी ।
फूली फिरत मत्त करिनी ज्यौं, सुरत-समुद्र झकोरी ॥
आलस बलित अरुन धूसर मषि, प्रगट करत दृग चोरी।
पिय पर करुण अमी रस बरसत, अधर अरुणता थोरी ॥
बाँधत भृंग उरज अम्बुज पर, अलक निबन्ध किशोरी ।
संगम किरच-किरच कंचुकि बंद, शिथिल भई कटि डोरी ॥
देत असीस निरखि जुवतीजन, जिनकै प्रीति न थोरी ।
(जै श्री) हित हरिवंश विपिन भूतल पर, संतत अविचल जोरी ॥70॥