Shri Hit Chaurasi Ji — pad 77

latkat phirat juvti ras phuli |
latabhwan mein saras sakal nishi,
piy sang surat-hindore jhuli ||
jadyapi ati anurag rasasav,
pan-vivash nahinn gati bhuli |
alas-valit nain biglit lat,
ur par kachuk kanchuki khuli ||
maragji mal shithil kati bandhan,
chitrit kajjal peek dukuli |
(jai shri) hit Harivansh Madan-sir jar jar,
vithkit Shyam sajeevan muli || 77 ||

लटकत फिरत जुवति रस फूली ।
लताभवन में सरस सकल निशि,
पिय सँग सुरत-हिंडोरे झूली ॥
जद्यपि अति अनुराग रसासव,
पान-विवश नाहिंन गति भूली।
आलस-वलित नैंन बिगलित लट,
उर पर कछुक कंचुकी खूली ॥
मरगजी माल शिथिल कटि बंधन,
चित्रित कज्जल पीक दुकूली।
(जै श्री) हित हरिवंश मदन-सर जर जर,
विथकित श्याम सजीवन मूली ॥77॥