sakhi vishakha ati sukumari | chhoti vayas vadi-badi akhiyan, umgat kripa ambunidhi pyari || poch patit pratipal sundari, ati udaar rijhwar mahari | komal tan komal man nagri, mridul swabhav rup ujiyari || karuna dham kaha kahi varnaun, arat ter sakat sahi nari | shri ban vas raas ras chhaki, chhin na hot pyari sao nyari || meri or kripa kari herau, niravlamb ati dekhi dukhari | kunj vas hai terau sajni hit ju kaun sudhi meri kara ri || kahiyat sahaj kripalu ladili, adham udharan ban tihari | puchhat kyon na kushal bhori sao, vilpat arat dwaar pukari ||
सखी विशाखा अति सुकुमारी। छोटी वयस वड़ी-बड़ी अखियाँ, उमगत कृपा अंबुनिधि प्यारी॥ पोच पतित प्रतिपाल सुन्दरी, अति उदार रिझवार महारी। कोमल तन कोमल मन नागरि, मृदुल स्वभाव रूप उजियारी॥ करुणा धाम कहा कहि वरणौं, आरत टेर सकत सहि नारी। श्री बन वास रास रस छाकी, छिन न होत प्यारी सौं न्यारी॥ मेरी ओर कृपा करि हेरौ, निरवलंब अति देखि दुखारी। कुंज वास है तेरौ सजनी हित जू कौं सुधि मेरी करा री॥ कहियत सहज कृपालु लाड़िली, अधम उधारन बान तिहारी। पूछत क्यों न कुशल भोरी सौं, विलपत आरत द्वार पुकारी॥