sundar swamini pyari hamari, chabi nidhi sahaj rup ujiyari | mukh chabi koti chanda sao neeki, hansan dasan dyuti bhanvti jeeki | chitvan barsat vrshti ami ki, rang bhari chabi sukhad sukhari || lochan rahat rup lalchane, sapnehu tum binu aur na jane | shishu laun bar-bar hath thanai, chahu dishi rahat nihar nihari || hansi kripal bidhu badan dikhavau, sahaj madhuri pan karavau | bhori hiy ki as pujavau, tan man rahaun charan par wari ||
सुन्दर स्वामिनि प्यारी हमारी, छबि निधि सहज रूप उजियारी। मुख छबि कोटि चन्द सौं नीकी, हँसन दसन द्युति भाँवती जीकी। चितवन बरसत वृष्टि अमी की, रंग भरी छबि सुखद सुखारी॥ लोचन रहत रूप ललचाने, सपनेहु तुम बिनु और न जाने। शिशु लौं बार-बार हठ ठानै, चहुँ दिशि रहत निहार निहारी॥ हँसि कृपाल बिधु बदन दिखावौ, सहज माधुरी पान करावौ। भोरी हिय की आस पुजावौ, तन मन रहौं चरण पर वारी॥