wah chhata chhin hu dikhavaugi kahou, madhuri hansi-hansi piyavaugi kahou | man kutila alkan mein mero gheri kai, sab kutilta kab mitabogi kaho || apne komal paanv dhari mere hiye, sab kathinata kab nasavaugi kahou | oth pai anupam lasain anurag ras, hansi sudha dhara jharavaugi kahou || haun tau tere panth mein vyakul padi, lad sao Nupur bajavaugi kahou | hai hiyau mam tapt teenhun tap sao, apne pad sao kab siravaugi kahou || hoju soti de daras kab swapna mein, bhagya soye kaun jagavaugi kahou | apne kach ke sang mo man bandhihau, apni chavi mein drig phansavaugi kahou || nayan koyan sao barsi kai madhuri, mero man rang mein dubavaugi kahou | meri bhori kahikai hansi-hansi ladili, sab sao kab natau chhudavaugi kahou || hon ton vyakul ter nit dwrae karat, ab tau mere hiy samavaugi kahou |
वह छटा छिन हू दिखावौगी कहौ, माधुरी हँसि-हँसि पियावौगी कहौ। मन कुटिल अलकन में मेरौ घेरि कै, सब कुटिलता कब मिटाबोगी कहो॥ अपने कोमल पाँव धरि मेरे हिये, सब कठिनता कब नसावौगी कहौ। ओठ पै अनुपम लसैं अनुराग रस, हँसि सुधा धारा झरावौगी कहौ॥ हौं तौ तेरे पंथ में व्याकुल पड़ी, लाड़ सौं नूपुर बजावौगी कहौ। है हियौ मम तप्त तीनहुँ ताप सौं, अपने पद सौं कब सिरावौगी कहौ॥ हॉजु सोती दे दरस कब स्वप्न में, भाग्य सोये कौं जगावौगी कहौ। अपने कच के संग मो मन बाँधिहौ, अपनी छवि में दृग फँसावौगी कहौ॥ नयन कोयन सौं बरसि कै माधुरी, मेरौ मन रँग में डुबावौगी कहौ। मेरी भोरी कहिकै हँसि-हँसि लाड़िली, सब सौं कब नातौ छुड़ावौगी कहौ॥ हों तों व्याकुल टेर नित द्वारे करत, अब तौ मेरे हिय समावौगी कहौ।