Prem Ki Peer — pad 130

alak kutila man mero phansavau, nayan kor hiy mahi dhansavau |
haun tau vilpat bikal akeli, aai hansau chhin mohu hansavau ||
jakaun theek-thaur nahin kithun, tehi bhuj gahi barsane basavau |
charan dhur lagi dhur mili mein, ab na kripalu bahut tarsavau ||
lochan mridu muskan lubhane, chhin ik chhata vihansi darsavau |
bhori chatak din pukarat, hansi-hansi kyon na sudha barsavau ||

अलक कुटिल मन मेरौ फँसावौ, नयन कोर हिय माहि धँसावौ।
हौं तौ विलपत बिकल अकेली, आइ हँसौ छिन मोहू हँसावौ॥
जाकौं ठीक-ठौर नहिं कितहूँ, तेहि भुज गहि बरसाने बसावौ।
चरण धूर लगि धूर मिली में, अब न कृपालु बहुत तरसावौ॥
लोचन मृदु मुसकान लुभाने, छिन इक छटा विहँसि दरसावौ।
भोरी चातक दीन पुकारत, हँसि-हँसि क्यों न सुधा बरसावौ॥