bali-bali jaun kokil teri, pyari-pyari gavau ri | mero sau rang rup tiharau, mosaun manhi milavau ri || yah ju naam hai jeevan mero, pyase shravan siravau ri | rang mein rang badhavau ha-ha, umgi-umgi rat lavau ri || tan man pran nichhavar teri, ab na adhik tarsavau ri | bhori hit yah sudha sajeevan, mero jeey jivavau ri ||
बलि-बलि जाऊँ कोकिल तेरी, प्यारी-प्यारी गावौ री। मेरौ सौ रँग रूप तिहारौ, मोसौं मनहि मिलावौ री॥ यह जु नाम है जीवन मेरौ, प्यासे श्रवण सिरावौ री। रँग में रँग बढ़ावौ हा-हा, उमगि-उमगि रट लावौ री॥ तन मन प्राण निछावर तेरी, अब न अधिक तरसावौ री। भोरी हित यह सुधा सजीवन, मेरौ जीय जिवावौ री॥