je jan charan ke ras page | teen lok tinha trin sam lage || chhin-chhin darsan kau man lobha | tin kaun dhuri swarg ki sobha pankaj - paanv chhata ati bhavai | hiyra tuk - tuk hvai javai || leela lalit sada sudhi avai | tinkaun kachhu na dekhi suhavai || jugal milan ki asa dharain | kahu or kabhu na niharain || sochi-sochi katain din rati | dukhsaun phatat chhinain-chhin chati || aisen kau jo juthan pavaun | tau apnau saubhagya manavaun || vishay - pank mein budhat bhori | karahu kripa ab sahaj kishori ||
जे जन चरणन के रस पागे। तीन लोक तिन्ह तृण सम लागे॥ छिन-छिन दरसन कौ मन लोभा। तिन कौं धूरि स्वर्ग की सोभा पंकज - पाँव छटा अति भावै। हियरा टूक - टूक ह्वै जावै॥ लीला ललित सदा सुधि आवै। तिनकौं कछू न देखि सुहावै॥ जुगल मिलन की आसा धारैं। काहू ओर कभू न निहारैं॥ सोचि-सोचि काटैं दिन राती। दुखसौं फटत छिनैं-छिन छाती॥ ऐसेन कौ जो जूठन पावौं। तौ अपनौ सौभाग्य मनावौं॥ विषय - पंक में बूढ़त भोरी। करहु कृपा अब सहज किशोरी॥