kyau vilpat tu baithi akeli, kaun sunai ko janain | jo pari jay shravan hoon kabhun, ko sanchi kari mane || mat ju sunaun mat janaun manou, mohi vilpibau pyarau | nahin bas chalai na sujhai koi, dukh mein aur saharau || ve ju hansain jhunthi kari manain, naanv dharain sab mokaun | pai ka karaun samat nahi hiy, rukai na kaisain rokaun || jo chup rahaun badhai vyakulta, barbas baithi karahaun | main kab kahun hansau mat koi, sanchi kahun sarahaun || mohi lagai hiy param akabki, unche ter bulaun | jo sab hansain burau kahun kakaun, sabkau man bahlaun || sabni vinod mod hiy mere, kachu-kachu dhiraj hoi | bhori hit kachu let kahu kau, nisu din katat roi ||
क्यौं विलपत तू बैठि अकेली, कौन सुनै को जानैं। जो परि जाय श्रवण हूं कबहूं, को साँची करि माने॥ मत जु सुनौं मत जानौं मानौं, मोहि विलपिबौ प्यारौ। नहिं बस चलै न सूझै कोऊ, दुख में और सहारौ॥ वे जु हँसैं झूँठी करि मानैं, नाँव धरैं सब मोकौं। पै का करौं समात नहीं हिय, रुकै न कैसैं रोकौं॥ जो चुप रहौं बढ़ै व्याकुलता, बरबस बैठि कराहौं। मैं कब कहौं हँसौ मत कोऊ, साँची कहौं सराहौं॥ मोहि लगै हिय परम अकबकी, ऊँचे टेर बुलाऊँ। जो सब हँसैं बुरौ कहूँ काकौं, सबकौ मन बहलाऊँ॥ सबनि विनोद मोद हिय मेरे, कछु-कछु धीरज होई। भोरी हित कछु लेत काहु कौ, निजु दिन काटत रोई॥