vinay karat meri bani ai | yehu bade bhagya jo pyari, yachak tori kahai | yachak sabhi jagat mein jete, sur-nar-muni samudai || mosaun badau na yachak koi, ka mukh kahun bardai | jakaun jachat Shyam ladilau, teen lok kau sai || bhuri bhagya sao bhari ladilau, haun tohi jachan ai | yah to baat sab vidhi meri, ati achhi bani ai || aur dwaar man jai na chhin ab, yah var manghun mai | deejai sahaj kripa kari bhori, suni shyama musikai ||
विनय करत मेरी बनि आई। येहू बड़े भाग्य जो प्यारी, याचक तोरि कहाई। याचक सबहि जगत में जेते, सुर-नर-मुनि समुदाई॥ मोसौं बड़ौ न याचक कोऊ, का मुख कहौं बड़ाई। जाकौं जाचत श्याम लाडिलौ, तीन लोक कौ साई॥ भूरि भाग्य सौं भरी लाडिलौ, हौं तोहि जाचन आई। यह तो बात सब विधि मेरी, अति आछी बनि आई॥ और द्वार मन जाइ न छिन अब, यह वर माँगहुँ माई। दीजै सहज कृपा करि भोरी, सुनि श्यामा मुसिकाई॥