mosaun mosi karau tau kaha basi ai | sahaj kripalu kishori Radhe, ka mukh kahun banai || koti janm jo basaun narak mein, nit nav tras sadai | tauhu nightai nahi kishori, meri kumti kamai so sab uchit sunau karunanidhi, ayu jo vyarth ganvai | patit udharan charan na dhyaye, vishyan rahi bhulai || tosaun priti kari nahin pyari, ab ughri sathtai | tain chhin hoon meri sudhi na bisari, main chhin-chhin chitlai || yahu pai jo sahaj kripavidhi, hath rakhau sakuchai | bhori nich kaha mukh bhakhe, tum hi so bani ai ||
मोसौं मोसी करौ तौ कहा बसि आई। सहज कृपालु किशोरी राधे, का मुख कहौं बनाई॥ कोटि जन्म जो बसौं नरक में, नित नव त्रास सदाई। तौहू निघटै नहीं किशोरी, मेरी कुमति कमाई सो सब उचित सुनौ करुणानिधि, आयु जो व्यर्थ गँवाई। पतित उधारण चरण न ध्याये, विषयन रही भुलाई॥ तोसौं प्रीति करी नहिं प्यारी, अब उघरी सठताई। तैं छिन हूँ मेरी सुधि न बिसारी, मैं छिन-छिन चितलाई॥ याहू पै जो सहज कृपानिधि, हठ राखौ सकुचाई। भोरी नीच कहा मुख भाखे, तुम ही सों बनि आई॥