Prem Ki Peer — pad 280

itni kaho kapalu kishori |
kbahu tau tum mohi dekhihau, sahaj kripa ki kori |
kbahu tau vyakul bhatkaihau, dhundhat nidhuvan khori ||
kbahu tau bhuj gahi musikaihau, sahaj paunchh drig bhori |
kbahu tau chhin daras dikhaihau, mand hansan mukh thori ||
itnau hansi avlamb deejiye, jyoun thir hoy hiyau ri |
bhori nek milan asa par, kataun janm karori ||

इतनी कहो कपालु किशोरी।
कबहूँ तौ तुम मोहि देखिहौ, सहज कृपा की कोरी।
कबहूँ तौ व्याकुल भटकैहौ, ढूँढत निधुवन खोरी॥
कबहूँ तौ भुज गहि मुसिकैहौ, सहज पौंछ दृग भोरी।
कबहूँ तौ छिन दरस दिखैहौ, मन्द हँसन मुख थोरी॥
इतनौ हँसि अवलंब दीजिये, ज्यौं थिर होय हियौ री।
भोरी नेक मिलन आसा पर, काटौं जन्म करोरी॥