sab vidhi sanchau kathin abhag | kahu vidhi tare na tarat ri, lagan det nahin lag | kotik janam bit gaye aise, yakau yei rag || karm-dharm subh sadhan jitne, tin par dari aag | ho pyari, haun bahu vidhi chahat, pad na badhat anurag || ab tau saran tihare ai, rahi charan sao lag | yah dar sahaj kripavidhi bhori, ban na deejau tyag ||
सब विधि साँचौ कठिन अभाग। काहू विधि टारे न टरत री, लगन देत नहिं लाग। कोटिक जनम बीत गये ऐसे, याकौ येई राग॥ कर्म-धर्म सुभ साधन जितने, तिन पर डारी आग। हो प्यारी, हौं बहु विधि चाहत, पद न बढ़त अनुराग॥ अब तौ सरण तिहारे आई, रही चरण सौं लाग। यह डर सहज कृपानिधि भोरी, बान न दीजौ त्याग॥