soi braj bhumi birajat noki | so Vrindavan soi Yamuna, soi kunj bhanvti jeeki || ha Radhe tum kaun bin dekhe, chahu chitavat akulavaun | kihi vidhi kaha paeeye sochta, dhiraj chitt na lavon || tum bin sab jag sunau lagai, kachu dekhyau na suhavai | shri Radha kripalu albeli, chhin-chhin ter sunavai || vilpat pulkat akulat herat, naynan nir bahavai | chhin-chhin murchhi parai avni pai, chhin sambhram uthi dhavai || kaun bhagya aisau din aihai, virha deh jaravai | bhori tuti-tuti ke hiyra, tuk-tuk hvai javai ||
सोई ब्रज भूमि बिराजत नोकी। सो वृन्दावन सोई जमुना, सोई कुंज भाँवती जीकी॥ हा राधे तुम कौं बिन देखे, चहुँ चितवत अकुलावौं। किहि विधि कहाँ पाईये सोचत, धीरज चित्त न लावों॥ तुम बिन सब जग सूनौ लागै, कछु देख्यौ न सुहावै। श्री राधा कृपालु अलबेली, छिन-छिन टेर सुनावै॥ विलपत पुलकत अकुलत हेरत, नयनन नीर बहावै। छिन-छिन मूर्छि परै अवनी पै, छिन संभ्रम उठि धावै॥ कौन भाग्य ऐसौ दिन ऐहै, विरहा देह जरावै। भोरी टूटि-टूटि के हियरा, टूक-टूक ह्वै जावै॥