kabuhu hriday hath than na dekhi, kul deepak Vrishabhan na dekhi | rahi hain pran poch tan kablaun, parkhi kripa ki ban na dekhi || sab jag dekhi kaha drig payo, jo teri muskan na dekhi | suniyat kripa sudhanidhi pyari, pai kbahu taji pran na dekhi || lalkat rahi jakham khaive kaun, drig-sir bhaunh-kaman na dekhi | arat teri pukari kishori, ummdat kripa nidhan na dekhi || tum binu rakhat pran aaj lon, aisi nilaj jag an na dekhi | umdat kyon na kripavidhi bhori, pai mosi agh khaan na dekhi ||
कबहुँ हृदय हठ ठान न देखी, कुल दीपक वृषभान न देखी। रहि हैं प्राण पोच तन कबलौं, परखि कृपा की बान न देखी॥ सब जग देखि कहा दृग पायो, जो तेरी मुसकान न देखी। सुनियत कृपा सुधानिधि प्यारी, पै कबहूँ तजि प्रान न देखी॥ ललकत रही जखम खैवे कौं, दृग-सर भौंह-कमान न देखी। आरत टेरि पुकारि किशोरी, उंमड़त कृपा निधान न देखी॥ तुम बिनु राखत प्राण आज लों, ऐसी निलज जग आन न देखी। उमड़त क्यों न कृपानिधि भोरी, पै मोसी अघ ख़ान न देखी॥