lat sambharat ladili avau kabhu, mero man hansi bandhi lai javau kabhu | din bahut tum binu jiyat bite Priya, yah nilajta meti musikavau kabhu || nayan pyase dekhibe tarsat bikal, madhuri piyush barsavau kabhu | mero man machlat tumhen drig dekhibe, ye dibanau apnau samjhavau kabhu || ter dwrae pa karat botyi janam, ab tau karuna sindhu uthi avau kabhu | terau tan-man bhet mridu muskan ki, aai kai yah mol nibtavau kabhu || jo pai hiy ki tap jhuthhi haun kahat, pag hriday dhari mohi sarmabau kabhu | haun biko Harivansh hit ke naam pai, bhori hit gahi baanh apnavau kabhu ||
लट सँभारत लाड़िली आवौ कभू, मेरौ मन हँसि बाँधि लै जावौ कभू। दिन बहुत तुम बिनु जियत बीते प्रिया, यह निलजता मेटि मुसिकावौ कभू॥ नयन प्यासे देखिबे तरसत बिकल, माधुरी पीयूष बरसावौ कभू। मेरौ मन मचलत तुम्हें दृग देखिबे, ये दिबानौ अपनौ समझावौ कभू॥ टेर द्वारे प॑ करत बोत्यी जनम, अब तौ करुणा सिन्धु उठि आवौ कभू। तेरौ तन-मन भेंट मृदु मुसकान की, आइ कै यह मोल निबटावौ कभू॥ जो पै हिय की ताप झूठहि हौं कहत, पग हृदय धरि मोहि सरमाबौ कभू। हौं बिको हरिवंश हित के नाम पै, भोरी हित गहि बाँह अपनावौ कभू॥