kamal dal nainan ki as | kbahu umgi bujhi hau mere, man ki hauns-hulas || umdat kripa sidhu paripuran, sab sushma ki raas | chitvan chapal hilorat chahundisi,tapar bhrikuti vilas || dardeele rijhwar din hit, ati udarta vas | seel sankoch sneh subhagta, laj rup ras has || madhu mad bhare rangeele pyare, komal kamal vikas | bhore chatur ladainte paine, karat din bhay nas || jaki pad raj shiv-aj yachat,so jinkau nij das | bhori hit dekhankaun lalchat,chhin-chhin chavi ki pyas ||
कमल दल नैनन की आस। कबहूँ उमगि बूझि हौ मेरे, मन की हौंस-हुलास॥ उमड़त कृपा सिधु परिपूरण, सब सुषमा की रास। चितवन चपल हिलोरत चहुँदिसि,तापर भृकुटि विलास॥ दरदीले रिझवार दीन हित, अति उदारता वास। सील संकोच सनेह सुभगता, लाज रूप रस हास॥ मधु मद भरे रँगीले प्यारे, कोमल कमल विकास। भोरे चतुर लड़ैंते पैने, करत दीन भय नास॥ जाकी पद रज शिव-अज याचत,सो जिनकौ निज दास। भोरी हित देखनकौं ललचत,छिन-छिन छवि की प्यास॥