sajal jalaj sundar pyari pad neeke, sadhan aur lagat ati phoke | seetal makrand bhare sukh ras bhine, Shyam madhup jin ras bas keenhe | sundar Shyam pyarau davanl peekain, jiyat asre Manu inhi ke | prem vivas nisi din inhi hiy lavain, nag raj vish tap mitavain | chumi - chumi inkaun inke ras pagyau, turat Putna vish sab bhagyau | jab ghumdi main sain banki avai, tab mohan sharan yahan pavai | sur taru patitan ke adhman uddharan, mo abhagya mitbe ke karan | sarbas shri hari ke data sab kere, asha dhan jeevan gati mere | itnau nit ter - ter mangai bhori, rakhiye mohi charan ras bori |
सजल जलज सुन्दर प्यारी पद नीके, साधन और लगत अति फोके। सीतल मकरंद भरे सुख रस भीने, श्याम मधुप जिन रस बस कीन्हे। सुन्दर श्याम प्यारौ दावानल पीकैं, जियत आसरे मनु इनहीं के। प्रेम विवस निसि दिन इनहि हिय लावैं, नाग राज विष ताप मिटावैं। चूमि - चूमि इनकौं इनके रस पाग्यौ, तुरत पूतना विष सब भाग्यौ। जब घुमड़ि मैन सैन बाँकी आवै, तब मोहन शरण यहाँ पावै। सुर तरु पतितन के अधमन उद्धारण, मो अभाग्य मिटबे के कारण। सरबस श्री हरि के दाता सब केरे, आशा धन जीवन गति मेरे। इतनौ नित टेर - टेर माँगै भोरी, राखिये मोहि चरण रस बोरी।