tehi kar chhaanh rakhivai pyari | jehi kar piy kar pelhu manini, man bhari sukumari || jehi kar liye rang pichkari, rang bhari khelt Hori | jehi kar kamal lal ki pyari, hansat murliya chori || girat nagri das jaun kar, rok liye rang bhine | jihi kar, kar gahi ras bas mohan khenchi bhuja bhar lonhe | jehi kar kamal kripa kar bandhat, piy sir mukut sambhari | jehi kar kanj dharat ansan pai, pulkat kunj bihari || jehi kar kamal karat jal keli, jal kan adhik udaven | jehi kar kamal pheri karunanidhi, nij gun shukan padhav || jehi kar baithi jugal kuch piy kaun, ras bas chitra banavain | tehi kar mohi kripalu kishori, baanh pakri apnavain || bar-bar hath binti thanaun, vilag bhay dukh pavaun || bhori begi kripa ab keejai, charan kamal bali javaun ||
तेहि कर छाँह राखिवै प्यारी। जेहि कर पिय कर पेलहु मानिनि, मान भरी सुकुमारी॥ जेहि कर लिये रंग पिचकारी, रँग भरी खेलत होरी। जेहि कर कमल लाल की प्यारी, हँसत मुरलिया चोरी॥ गिरत नागरी दास जौन कर, रोक लिये रँग भीने। जिहि कर, कर गहि रस बस मोहन खेंचि भुजा भर लोन्हे। जेहि कर कमल कृपा कर बाँधत, पिय सिर मुकुट सँभारी। जेहि कर कंज धरत अंसन पै, पुलकत कुञ्ज बिहारी॥ जेहि कर कमल करत जल केली, जल कन अधिक उड़ावें। जेहि कर कमल फेरि करुणानिधि, निज गुन शुकन पढ़ाव॥ जेहि कर बैठि जुगल कुच पिय कौं, रस बस चित्र बनावैं। तेहि कर मोहि कृपालु किशोरी, बांह पकरि अपनावैं॥ बार-बार हठ बिनती ठानौं, विलग भये दुख पावौं॥ भोरी बेगि कृपा अब कीजै, चरण कमल बलि जावौं॥