sudhi karat kamal dal lochan ki | laj chhaki mahi or vilokan, nai-nai bhet sakochan ko || rup chhaki chhaki dwaar rahan ko, kar gahi dhig laijaibe ki | kusum sej pai naval lal dhig, hath kar lai bithaibe ki || kahi-kahi mridu batiyan ras bheenji, adhik prem sarsaive ki | ras so rasik raseeli swamini, hansi hansi tohi hansaibe ki || kunjarandhra tohi dekhn hu ki, Nupur dhuni sachu paive ki | kaham laun kahun kishori pyari, mukh so kachhu na kahive ki || tarsat daras lalchi lochan, hauns badhat kahun paive ki | pragat kripalu karahu kin baten, bhori as pujaive ki ||
सुधि करत कमल दल लोचन की। लाज छकी महि ओर विलोकन, नई-नई भेंट सकोचन को॥ रूप छकी छकि द्वार रहन को, कर गहि ढिग लैजैबे की। कुसुम सेज पै नवल लाल ढिग, हठ कर लाइ बिठैबे की॥ कहि-कहि मृदु बतियाँ रस भींजी, अधिक प्रेम सरसैवे की। रस सों रसिक रसीली स्वामिनि, हँसि हँसि तोहि हँसैबे की॥ कुञ्जरंध्र तोहि देखन हू की, नूपुर धुनि सचु पैवे की। कहँ लौं कहौं किशोरी प्यारी, मुख सों कछू न कहिवे की॥ तरसत दरस लालची लोचन, हौंस बढ़त कहुँ पैवे की। प्रगट कृपालु करहु किन बातें, भोरी आस पुजैवे की॥