jo ali hot Priya dga mere | tau udi kyon na karat karunanidhi, pankaj paanv basere || mudit matt nit chhake ek ras, ginat na saanjh sabere | lav nimesh chhin hot vilag na, chabi hi manon pagere || laut na mohi dekhte kbahu, musikan fand pare re | ha pyari kachu ban na pari tab, hath thaki har rahe re || udan chahyau udibau nahin ayau, tarsat vikal bhay re | ka ab kahou kripalu ladile, salat adhik hiyere || ta par aur nilajta aisi, ajhun vishay ke chere | bhori hit phutat tak nahin, vadi kahavat mere ||
जो अलि होत प्रिया द्ग मेरे। तौ उड़ि क्यों न करत करुणानिधि, पंकज पाँव बसेरे॥ मुदित मत्त नित छके एक रस, गिनत न साँझ सबेरे। लव निमेष छिन होत विलग ना, छबि ही मनों पगेरे॥ लौट न मोहि देखते कबहूँ, मुसिकन फंद परे रे। हा प्यारी कछु बन न परी तब, हठ थकि हार रहे रे॥ उड़न चह्यौ उड़िबौ नहिं आयौ, तरसत विकल भये रे। का अब कहौ कृपालु लाड़िले, सालत अधिक हियेरे॥ ता पर और निलजता ऐसी, अजहुँ विषय के चेरे। भोरी हित फूटत तक नाहीं, वादि कहावत मेरे॥