Prem Ki Peer — pad 88

kaise rahas-dasy haun pavaun |
bhor uneendi uthi kishori, dekht nain siravaun |
nishi jagar alas tanu chhayau, majjan begi karavaun ||
saji tan neel basan abhushan, madhu meva lai avaun |
kislay shayan sambhari kishori, hansi-hansi lai paudhavaun ||
bhagya bhari hau baithi panyte, mridu taruva sahravaun |
bhori sovat naval nagri, dekhi-dekhi bali javaun ||

कैसे रहस-दास्य हौं पावौं।
भोर उनींदी उठी किशोरी, देखत नैन सिरावौं।
निशि जागर आलस तनु छायौ, मज्जन बेगि करावौं॥
सजि तन नील बसन आभूषण, मधु मेवा लै आवौं।
किसलय शयन सँभारि किशोरी, हँसि-हँसि लै पौढावौं॥
भाग्य भरी हौ बैठि पाँयते, मृदु तरुवा सहरावौं।
भोरी सोवत नवल नागरी, देखि-देखि बलि जावौं॥