Prem Ki Peer — pad 96

rang bhare nayan rang bhari bhaunhain |
rang bhare bhavan virajat pyari, rang bhare Shyam sundar mukh johen ||
rang bhare vachan kahat hansi dou, rang bhare chitavat kachu tirchhaunhain |
rang bhari kusum sej sakhi nirmit, rang bhare drig rajat alsaunhain ||
rang bhari chabi-lav vimlachhta sao, rang bhare tihumpur kau man mohain |
bhori yachak dwaar pukarat, daras lobh lochan lalchonhen ||

रँग भरे नयन रंग भरी भौंहैं।
रंग भरे भवन विराजत प्यारी, रंग भरे श्याम सुन्दर मुख जोहें॥
रँग भरे वचन कहत हँसि दोऊ, रँग भरे चितवत कछु तिरछौंहैं।
रँग भरी कुसुम सेज सखि निर्मित, रँग भरे दृग राजत अलसौंहैं॥
रँग भरी छबि-लव विमलछटा सौं, रँग भरे तिहुँपुर कौ मन मोहैं।
भोरी याचक द्वार पुकारत, दरस लोभ लोचन ललचोंहें॥