kya hoti hai pret badha? Kya aapko bhi bhut satate hain?

kisi ki samarth hai kya ki ham par pret badha chhod sake? Jo chahe jiske saath wo kar sakta hai? Jagat ishwar rahit hai kya? Hamare hi kuch karm aise ho jaate hain jinke karan hamen aisa lagne lagta hai ki koi aapko tang kar raha hai. Yah sab aapke karmon ka hi phal hai. Film mein jo aadmi khalnayak ka role karta hai wo sahi mein khalnayak nahi hota, wo bas role nibha raha hai. Ye duniya maya ka ek parda hai. Is parde mein farqa sirfa itna hai ki yahan director, ektar, dansar, sab ek hi hain, shri Krishna. Pehchan pao to pehchan lo. Aapke saath koi galat kar raha hai, aisa soch ke yadi aap unse dves karenge, to aap phans jaenge, aapka hriday krodh se ganda ho jaega. Lekin agar aap samjh gaye ki prabhu hamari zindgi mein is insaan ya bhut ke rup mein khalnayak bankar aen hain, to aapko anand mehsus hone lagega, aap mahatma ban jaenge.

man se bada bhut kaun?

na koi bhut hai, na koi pret hai. Hamara man hi bhut hai, hamara man hi pret hai. Hamare karm bigad jaate hain aur hamara man hi bhut ki tarah chadkar hamen pareshaan karne lagta hai. Aap bhauton se darte hain lekin aap paanch mahabhut (aapki indriyan) saath leke ghum rahe hain aur aapko diqqat nahi lag rahi? Ye panch mahabhut hi hamari durgati kar rahe hain. Agar is sharir rag se upar uthkar, abhi bhagwan ke chintan mein mast ho jae to aapko samjh aa jaega ki sab mein keval shri Krishna hi hain, aur koi nahi hai.

jagat mein har kisi mein sirfa shri Krishna hi hain!

teen parde (sattwagun, rajogun aur tamogun) is vishv rupi sinema mein chal rahe hain. Jab tamogun ka parda aata hai to raaksasi leela dikhayee deti hain jaise ki hinsa, vyabhichar aur durachaar. Jab rajoguni parda aata hai to kam aadi aur jab sattwaguni to daya, bhakti aadi leela dikhayee deti hain. Par sach to yah hai ki parda to safed hi hai, us pe sach mein kuch bhi nahi hai, piche se jo prakash aata hai wahi parde pe filma prakashit karta hai. Sansaar mein bhi wahi ek paramatma trignatmika maya ke parde pe kahin accha kahin bura bankar role kar raha hai. Kisi ki taqat nahi hai ki ham par bhut chadha de. Phir to ishwar ka mahatva kya rah gaya? Bhajan nahi karenge aur adhyatma nahi jananenge to ye baten samjh nahi aengi. Koi kaise hamare saath dhokha kar sakta hai? Koi kaise hamara bura kar sakta hai?

pareshaniyan dur kaise karen?

ham galat hain to hamen bhogna padega chahe koi kuch kare ya na kare. Agar ham galat nahi hain to koi hamen koi badha nahi phucha sakta. Apni galti ko sudharen. Nirantar naam jap karen, aapka jeevan keval bhagwat prapti ke liye hai. Jaisa hamara chashma hai waise hi hamen drishya dikhayee deten hain. Agar aapko sab jagah pakhand aur durachaar dikh raha hai, to shayad chashma saaf karne ki zarurat hai. Chashma utarte hi sab jagah Govind dikhne lagenge. Ham apni kamzoriyon aur vasnaon ko dur karen to hamare bhagwan hi sab rupon mein hain, dusra koi nahi. Yah jeevan apna sudhar karne ke liye hai, dusron ke dosh dekhne ke liye nahi. Satsang sunen, usko aacharan mein utaren aur apna kalyan kar len. Radha Radha japen, accha aacharan karen, koi nasha na karen, koi pret ya atma aapko pareshaan nahi kar paegi. Yah sansaar ek khel hai, agar aap yah jaan gaye to is khel se bahar nikal jaenge.

prashn –kisi ne mujh par ek pret chhod diya hai, wo bhut mujhe kafi pareshaan kar raha hai, shanti nahi mil rahi, kya karu?

margdarshak – pujya shri hit Premanand ji maharaj

shri hit Premanand ji maharaj margdarshan karte hue

sambandhi video: YouTube

mul lekh: bhajanmarg.com