patni mata-pita ki seva nahi karne deti! Donon mein se kise chunen?

agar patni mana kare ki prabhu ka naam japne ya mandir jane ki avshyakta nahi hai, to aap yah samjhen ki bhagwan ka smaran keval bahari nahi, balki antarik bhi hota hai. Yadi koi andar hi andar bhajan karta hai, to wah bhi utna hi sarthak hai. Lekin yadi patni mata-pita ki seva karne se roke, to uski baat nahi manani chahiye. Mata-pita ki seva se vimurkh hona dushtata ki sima par karna hoga.

yadi ham mandir jaate hain aur koi naraz hota hai, to ham is par vichar kar sakte hain, lekin mata-pita ki seva chodna sweekarya nahi hai. Mata-pita ka aap par pahla adhikar hai, kyonki unhone hamen janm diya aur yogya banaya. Unki seva ko tyagna uchit nahi hai. Chahe paristhiti kaisi bhi ho, mata-pita ki seva nahi chhodni chahiye.

agar kabhi mata-pita ko arthik sahayata dene ki avshyakta ho aur hamen dhan prapt hota ho, to hamen unka dhyan rakhna chahiye. Jaise yadi hamen 1000 rupye milte hain, to kam se kam 200 rupye mata-pita ko avashya dene chahiye. Vriddhavastha mein unki avashyaktaon ki purti karna hamara kartavya hai.

pati-patni ka santulan aur mata-pita ki seva

aapko apni patni ko bhi sukh dena chahiye, uska sammaan karna chahiye, uski avashyaktaon ki purti karni chahiye, kyonki wah aapki ardhangini hai. Lekin mata-pita sarvpratham hote hain. Aaj yadi yuva pati-patni apne vridh mata-pita ki seva nahi karenge, to ve kiske paas jaenge? Aur kal jab ham swayam vridh honge, tab hamare bachchhe bhi hamare saath vaisa hi vihaar kar sakte hain.

ek purani katha hai—ek aurat apni sas ko purane mitti ke bartan mein khana parosti thi. Ek din usne bartan zameen par zor se rakh diya, to uska bachchha bola—“maa, dhire rakho, tut jaega!” maa ne pucha—“tut jaega to kya hoga?” ladke ne uttar diya—“mujhe bhavishya mein isi bartan mein aapko khana dena hai! Jaise aap aaj dadi ke liye rakh rahi ho” tumhare aacharan hi tumhare bachchon ke sanskar baenge, aur tumhen vaisa hi bhogna padega.

sas-sasur aur bahu ka rishta

bahu koi naukrani nahi, balki grihlakshmi hoti hai. Sas-sasur ko chahiye ki ve bahu ko apni beti ke saman manen. Jis prakaar ve apni beti ke saath accha vihaar karna chaenge, usi prakaar bahu ke saath bhi karen. Yadi sas-sasur apni bahu ko apmanit karenge ya kathor vihaar karenge, to unka bhi jeevan dukhmay ho sakta hai.

jaha striyon ka sammaan nahi hota, waha sukh-samriddhi nahi tikti. Patni ko chahiye ki wah apne pati ko apne mata-pita ki seva karne se na roke. Yadi patni swayam seva karne mein ruchi nahi rakhti, to kam se kam apne pati ko seva karne de aur uska virodh na kare. Yadi aaj koi stri apne vridh sas-sasur ki seva nahi karegi, to bhavishya mein uske saath bhi vaisa hi vihaar ho sakta hai.

pati ka dhairya aur bhumika

pati ko dhairyvan hona chahiye, kyonki use mata-pita aur patni donon ki bhavanon ka sammaan karna hota hai. Uchit baton mein patni ka saath dena chahiye, lekin anuchit baton mein nahi. Mata-pita ki uchit-anuchit donon baten sahan karni chahiye, kyonki ve hamare janmadata aur margdarshak hain.

yadi mata-pita hamen dantte hain ya gali bhi dete hain, to bhi hamen unki seva karni chahiye. Kyonki jab tak ham Bhagwad-bhav se seva nahi karenge, tab tak sachchi seva nahi ban paegi. Yadi wo hamare seva-bhav ki kisi rishtedar ke samne ninda karte hain, tab bhi hamen shant aur sthir rahna chahiye.

mata-pita kyon lagne lagte hain bojha?

aajkal ke bachchhe aur bachchyan boyfriend-girlfriend ki pravriti se prabhavit ho rahe hain. Ve vyabhichari pravriti se yukt hote ja rahe hain aur bade-budhon ke age jukna, unki seva karna unhen pasand nahi aata. Unhen yah accha lagta hai ki ve hotel se bhojan laye, khain aur apni manmani karen. Aise mein ve na to bujurgo ki seva karna chahte hain aur na hi satsang aadi mein ruchi lete hain.

aajkal ki nai pidhi is boyfriend-girlfriend aur rileshanship ki pravriti mein phaskar apni buddhi bhrasht kar rahi hai. Galat aacharan se buddhi bhrasht hoti hai, aur jiski buddhi bhrasht hoti hai, wah bade-budhon ki aradhna nahi karta. Use mata-pita bojh lagne lagte hain, aur wah yahi sochne lagta hai ki ve jalda hi sansaar se chale jaen.

mata-pita aur patni, kisi ka bhi tyag na karen!

mata-pita ka tyag mat karna aur saath hi, patni ko bhi dukh mat dena. Vivekpurwak aisa marg apnao jisse patni bhi santusht rahe aur mata-pita ki seva bhi hoti rahe. Patni ardhangini hoti hai, uska tyag karna uchit nahi hai, dharm bhi iski anumati nahi deta. Parantu, patni ke prabhav mein akar mata-pita ka tyag karna, unhen katu vachan bolna, ya unke saath duryvhaar karna, tumhen patan ki or le jaega.

aisi vyvastha banao jisse patni bhi santusht rahe aur mata-pita ki seva bhi hoti rahe. Yadi patni is baat ko nahi samjh rahi aur tumhen tyagne ka nirnay le rahi hai, to mata-pita ka tyag mat karna. Yadi wah swayam tumhen chhod rahi hai, to chhorne do, lekin tum apne mata-pita ko mat chodo.

apne kartavya ka palan karen

mata-pita ne tumhen is yogya banaya hai ki tum aaj apne kartavyon ka palan karne yogya ho. Lekin tumhen apni patni ko bhi prem aur vivek se samjhana hoga. Yadi patni yah nahi samjhti ki mata-pita ne tumhen janm diya hai aur unka bhi adhikar hai, to yah anuchit hai. Puri kamai keval patni ko dena adharm hai. Mata-pita ki seva karna putr ka kartavya hai. Bhale hi anya bhai-bahan unki seva kar rahe hon, phir bhi tumhen kuch na kuch unke charnon mein arpit karna chahiye.

patni ko prem aur gyan se samjhao. Usse kaho—“aaj tum hamare mata-pita ke saath raho, unki seva karo. Kal jab hamari santan hogi, to wah bhi hamari aisi hi seva karegi. ” yadi aaj tum mata-pita ki seva nahi karoge, to bhavishya mein tumhari santan bhi tumhari seva nahi karegi.

aajkal ki aadhunik shiksha ne nai pidhi ki buddhi bhrasht kar di hai. Ve nasha karne lage hain, mata-pita se marpeet karne lage hain, unki seva nahi karte. Bahut se bujurgo ko unke ghar se nikal diya gaya hai, unke paas rahne ka koi sthan nahi hai, aur unki seva karne wala koi nahi hai. Ve chalne tak mein asmarth hain. Aise mata-pita ki seva bhagwan ki seva ke saman hoti hai. Budhon ka ashirwad swayam bhagwan ka ashirwad hota hai. Kyonki ve ab asmarth hain, isiliye unki seva karo, unhen prem do, aur apne kartavyon ka palan karo.

prem, dhairya aur naam-jap ki shakti

patni ke saath prem se vihaar karen, lekin yadi wah anuchit vihaar karti hai, to bina krodh kiye apna rukh badal len. Hamara vihaar hi use sochne aur sudhrane ke liye prerit karega. Anttat, bhagwan ka naam jap aur prarthna hi ek parivaar ko sukhi rakh sakte hain. Hamen sada yah prarthna karni chahiye ki hamare parivaar ki buddhi aur aacharan sahi marg par rahe, jisse sabhi ko shanti aur anand prapt ho.

margdarshak: pujya shri hit Premanand Govind sharan ji maharaj

pujya shri hit Premanand Govind sharan ji maharaj mata-pita ki seva karne par margdarshan karte hue

sambandhi video: YouTube · YouTube · YouTube

mul lekh: bhajanmarg.com