mujhe sampurn geetaji ke shlok kanthsth ho gaye hain kintu unka arth samjh mein nahi aa raha.

pujya maharaj ji dwara rasik vani ki vyakhya — upar video mein sunen.

pura pravachan

rishiraj mehar ji osa se Radhe-dhe maharaj ji maharaj ji shri guru gita mata aur Govind ji ki apaar kripa se hamen chauthi kaksha se hi Shrimad bhagwat gita ji ko adhyan karne ka avsar prapt hua maharaj ji unki kripa se char sal nirantar adhyan phal swaroop gita ji ke sabhi adhyay ke lagbhag sare shlok kanthsth ho gaye parantu unke arth samjhne mein abhi ham asmarth hain maharaj ji koi baat nahi bilkul aarti ki chinta mat karo aap jab ekant mein baitho to gita ji ke shloko ka ucharan kiya karo, path kiya karo.

dhire-dhire thoda aur baudhik vikas jab hoga to arth samjh mein ane lagega. Aapko gita ji jitni kanthsth hai kam se kam ek din mein ek bar to path ho hi jana chahiye. Nahi phir age chalkar bhul jaoge. Roz path karo aur jitna samay mile naam jap karo. Age chalkar ke shlok swayam bhagwat swaroop hai. Aapko khud samjha denge. Jo hriday mein arth prakt hota hai wo apne aap bhagwan dete hain. Isliye naam jap karte raho aur gita ji ka path karte raho. Dhanyavaad. Bahut chhote bachchhe ho. Purv janm mein koi tapasya rahi jo is janm mein is avastha mein aapko ye bhagwat marg mila chalte raho.

shabash piche mat hatna. Gande bachchon ka sang mat karna. Mobile se gandi baten mat dekhna aur sataarg mein chalna. Theek hai? Maharaj ji jo arth hamen samjh aa raha hai usse bhi bhinn arth hota hai kya? Ek hota hai shabdartha, ek hota hai vachyyartha, ek hota hai bhavaarth, ek hota hai rahasyartha. To jo bhajan karne se prakt hota hai rahasyartha prakt hota hai. Jo bhav mein dubne par aata hai wo bhavaarth hota hai. Jo sandhi vichchhed karne par hota hai wo shabdartha hota hai. Aur jo vani ke dwara milan karke arth kiya jaata hai vachyartha hota hai.

to kam layak chij to bhavaarth aur rahasyartha hi hai. Bhavaarth bhajan karne se hi aayega. Bhavaarth aise nahi aata. Gita ji jaise bhagwan virat hai aise gita ji virat hai kyonki wah anant gyan sampann hai isliye aur hai aur hai koi ye nahi kah sakta ki maine jo tika likhi iske age koi likh nahi sakta aisa nahi kah sakta aisa kahna agyaan hai kyonki gita bhagwan ki vani hai aur bhagwan jaise virat hai aise vani bhi virat hai kitna bhi arth kaho abhi uska arth chhupa hi hua hai wo bhagwan hi samjhaen hriday mein baith ke soi jane je dev jalai wahi jaan payega.

jitna janaya utna jaan paya. Isliye ved bhi jankar bhagwan ko neti neti kahte hain. Aisa nahi ved sampurn bhagwan ka swaroop hai. Kisi rishi muni ka likha hua nahi. Bhagwan shri Krishna dapayan vyas dev ji ne to ved ka vibhag kiya. Lekin ved apaurushay bhagwan ka swaroop hai. Swayam prakt hai. Ved vani likhi nahi gayi. Vedwani swayam prakt hui hai aur swayam bhagwan ke swaroop ka varnan karti hai aur purn bhagwan ke swaroop ka varnan karti phir bhi ved kahta hai neti neti itna nahi kyonki anant mahimashaali bhagwan ko shabdon mein nahi banda ja sakta maharaj waise hi hamari jo rasmay granth hai maharaj ji acharya dwara varnit wo bhi unka bhi rahasya haan isiliye jo ras granth hai inke arth nahi padhne chahiye arth padhoge to tumhen sansarik buddhi hone ke karan sansarikta bhas shakti hai.

inka jab aap sthiti aayegi aur jab inka hriday mein bhavaarth prakt hoga tab aapko rona aayega. Rona aayega. Abhi to sansarikta nazar aa sakti hai jo Priyalal ki keli hai vilas hai. To isiliye chaturasi ji, keleemal ji, mahavani ji inke arth ko na padhe. Chaturasi ji ka gayan karen. Siddh mantr hai. Jab ye apna prabhav dikhange phir arth ka jab sanyog hoga tab jo anand ki anubhuti hogi wo alag nahi to sansarik buddhi hone ke karan sansarikta aa sakti hai arth padhne se. Isliye bhavaarth mein pahunchna chahiye.

khub pado ka gayan karna chahiye. Arth nahi padhna chahiye. Jo leela ke pad hai unka gaan keval karna chahiye. Gaan karne se jab hriday bhav desh mein pravesh karega tab unka arth samjh mein aayega aise nahi lambe samay tak usi ka gayan karenge haan us lambe samay tak phir to nihal kar denge nihal kar denge Shyam shyama pragat pragat akshar nikat pragat ras shravat ati madhur vani sani rasik nitya nish din ratat kahat aur sunat ras riti jani tah taj aur gaun na kabahu kachu pran ram rami rahi Harivansh vani jahan pran rami rahi Harivansh wo age ka vishay hai isliye hamen lagta hai ki aap chaturasi ji gayan karen sudhanidhi ke kuch

shlok aise hain jo siddhant ke arth padh lijiye kemal ji ka gayan karen iske gayan se nikunj mil jaega aur nikunj ka ras riti kaha sunat ras riti jani agar aap khub gaan karoge khub sunoge to shravan sunat praptak rati Radha pad ambuj sukumar chaturasi ji ko agar aap shravan karoge to bahut jaldi kishori ji ke charnon mein prem ho jaega aur prem jab ho jaega tab iska sahi arth samjh mein aayega chaturasi ji ka ye prem vani chaturasi ji ko hit vani kahte hain matlab prem vani hai ye jab tak prem nahi aayega to shabdartha se chaturasi ji ko nahi samjh sakte

yah path video ke swachalit (auto-generated) upasheershkon se liya gaya hai — ismen shabdon ki trutiyan ho sakti hain. Pramanik vachan ke liye video avashya sunen.

mul video: Bhajan Marg (YouTube)