kisi ko koi baat samjhane par wo na samjhe to krodh aa jaata hai

shri hit Radha keli kunj, Vrindavan mein pujya shri hit Premanand Govind sharan ji maharaj ke saath ekantik vartalaap. Sadhak apne jeevan aur sadhna ke prashn rakhte hain aur maharaj ji unka samadhan karte hain.

pura pravachan

shashank Varma ji mujaphpharangar se Radhe-Radhe shri Radhavallabh shri Harivansh maharaj ji maharaj ji aapke charnon mein koti-koti pranam maharaj ji aisa kai bar hota hai ki kisi ko apni baat samjhate hue agar unhen wah baat samjh na aae ya wah log apni hi baat par ade rahe to krodh aa jaata hai aur krodh karke khud ko phir baad mein bura lagta hai. Kam sanjayte krodha kamna ki purti na hone par krodh ho jaata hai. To hamen lagta hai ki kahin na kahin ham apni swarth buddhi ki pradhanata rakhte hain tab krodh aata hai.

agar paramarth buddhi ki pradhanata rakhkar aapko updesh karte hain aap nahi mante hain to uttar andar se hi niklegaa. Jaisi bhagwan ki ichchha. Hamne to prayas kiya ki aapka ahit na ho. Aapka mangal ho lekin aap nahi man rahe hain. To jaisi bhagwan ki ichchha. Aapko manna hi chahiye. Yah hamari tab krodhatmak vritti aayegi jab ham kisi swarth se jude hue hain. Andar hamare swarth mein badha par rahi to lag raha hai yah baat nahi manega to uski purti nahi hogi swarth ki. Wo koi bhi ho parivaar ka ho chahe bahar ka ho jahan hamari kamna ki purti mein badha padegi wahan krodh aa jaega.

to hamen chahiye ki agar ham dusre ke sukh ke liye kamna karen to krodh nahi aayega. Jahan apne sukh ki kamna mein badha padegi wahan krodh aa jaega. Lekin ham jaise aapko updesh kar rahe hain aapke mangal ke liye kar rahe hain aur aap phir nahi man rahe to ham hanskar kah denge jaisi bhagwan ki ichchha kyonki hamne to prayas kiya aapko bacha den lekin aap nahi bachna chahte to bhagwan ka vidhan jaisa krodh nahi aayega krodh tab aayega jab ham kisi swarth se lipt hokar aapko updesh kar rahe hain aap usmen badha par rahe phir wo ek krodh aa jaega kyonki wo apni swarth purti ke liye kar raha chahe wo parivaar se ho chahe bahar ho to hamen chahiye ki swarth swarth ko paramarth mein badlen.

agar ham swarth buddhi ka tyag kar de to bahut mangalmay ho jae. Aur krodh se hani apni hi hoti hai. Apna hriday jalta hai. Aur agar koi krodh se kriya ho gayi tab to badi apradhik kriya bhi ho sakti hai. Man lo mata-pita ke upar hath chhut sakta hai. Pujya janon ko ham ashudh shabd bol sakte hain ya ham hinsmtk bhav mein utar sakte hain. To isliye krodh ko to pina chahiye. Andar hi andar shant ekdam gussa nahi hai. Ji agar ham kisi adhikar kshetra mein hain to apne jo haan agar us adhikar kshetra mein hamen jo adhikar sarkari mila hua hai to use krodh nahi use apne padadhikar ka prayog kahte hain.

ki ab jaise dusht swabhav wala ek hai sajjan ko sata raha hai. Hamen adhikar mila hai ki sajjan ko bachana aur dusht ko dand dena. To ham us adhikar ka prayog karke usko dandit karte hain aur usko bacha lete hain. Use krodh nahi kahte hain. Wo krodh ki leela bhale wahan dikhayee jae wo apne adhikar ka prayog karke samaj sudhar vyvastha hai. Wo danda chalana pare to wo bhi vyvastha hai. Agar goli bhi chalana pare to wo bhi vyvastha hai. Usmen krodh nahi hai. Wo hamare sarkari vyvastha hai. Ki aap agar kanun ke khilaf aise chalte ho to ye tumhen danda padenge.

isse agar itna ho jaate ho to phir phansi ki bhi saja hai. Hamare yahan to sab vidhan hai. To wo pad ke anusaar jo chalna hai wah baat alag hai. Lekin ham ghar grahasti ke vihaar mein kah rahe hain ki ghar grahasti ke vihaar mein hamen krodh se bachna chahiye. Aur jo padadhikar ka prayog hai to usmen ko krodh nahi. Usmen to tumhen shant bhi rah ke wahi karna padega. Karna padega kyonki aapka adhikar hai nirdosh ko mukt karna aur doshi ko dand dena evam jo adhikar sarkari adhikar hain aur agar ulta kar baitha aur dhan le liya ghas le liya to apne parivaar ko bhi ashant karega aur khud ashant ho jaega

yah path video ke swachalit (auto-generated) upasheershkon se liya gaya hai — ismen shabdon ki trutiyan ho sakti hain. Pramanik vachan ke liye video avashya sunen.

mul video: Bhajan Marg (YouTube)