sant-mahatma pura jeevan laga kar bhagwan ko prapt karte hain to hamen bhagwan kaise milenge?

shri hit Radha keli kunj, Vrindavan mein pujya shri hit Premanand Govind sharan ji maharaj ke saath ekantik vartalaap. Sadhak apne jeevan aur sadhna ke prashn rakhte hain aur maharaj ji unka samadhan karte hain.

pura pravachan

niharika ji Mathura se Radhe-Radhe maharaj ji maharaj ji jo sant mahatma ji hue hain unhone apna jeevan samarpit kar diya bhakti mein tab jakar unhen Krishna mile nikunj mein vas mila ham mrityu lok ke papi jo na chahte hue bhi anjane mein na jane din mein kitna paap kar dete hain kuch hi mala karte hain santo ke mukable jara sa hi naam jap karte hain to aise mein nikunj vas agar dibba ka connection injun se hata diya jae to kai kilometer chal payega ek chakka nahi ghumega nahi. Agar break laga ke aur injun hata diya jae to jo 2500 dibba jude hote hain unki koi samarth hai aur agar connection kar diya jae to jo injun jahan pahunega wahi dibba pahunchte hain ki nahi?

to ham sab dibba hain aur acharya guru aur sant injun hai. Ham apna connection kar lete hain. Ham unke charnon ki sharanagati le lete hain. Ham unse apna sambandh man lete hain. Hamare guru hain. Hamare Swami hain. Hamare sarvasv hain. To hazaron ko le jaate hain. Injun mein do hi teen hote hain. Lekin dibba mein 100 50 baithe hote hain. Aur har dibba mein 100-100 50 to do 400 500 ek train mein jaate hain. To aise sant jo bhagwan ke raat din bhajan mein lage hain wo hazaron ko samet ke le ja sakte hain jo adhikari nahi hai unko bhi sa trati sa trati sa trati sa lok tarti wo swayam tar jaate hain tar jaate hain tar jaate hain wo lok ke lok ko tar dete hain mam bhakti yukt bhanam pun to aisa man mein nahi sochna chahiye ki wo itna bhajan karte hain to ham kaise bhagwan ko prapt kar payenge ham aise prapt kar payenge jaise pura pura phul power injun mein hota hai.

dibbe mein koi power nahi hota. Par dibbe ka connection injun mein hone se wo usi powerful injun ke barabar dauda hai. Aur jahan injun pahunchta hai wahan wo dibba bhi pahunch jaata hai. To ham log ek dibbe ki tarah hain. Jaise 500 log hamse jude hain. Lekin ham mein power apne ko bhi kalyan karne ka nahi. To ham acharya ke sharanagat hain. Ham Gurudev ki sharanagat hain. Wo bhagwan power diye hain acharya ko Gurudev ko wo hamen par kar dete hain. Hamari samarth nahi ki ek machchar ko bhi bhagwat prapti kara sake.

bas unki kripa se ham jin hazaron ko chayan kiya wo unki kripa se paas ho jaate hain. Wo unki kripa se par ho jaate hain. To hamen vishwas rakhna chahiye. Hamen sant par bhagwan ke acharyon par purn vishwas karke unki agyaa ke anusaar chalna chahiye to ham bhagwat prapt ho jaenge. Hamara sambandh ho jae ki hamare Gurudev, hamare Swami, hamare bhagwan, hamare isht isi sambandh se bhagwan kalyan kar dete hain. Sambandh mein bahut badi takat hai. Hamara janm janmantar se bhagwan se sambandh hai. Main ishwar ka ansh hoon.

par ye bhul chuka hoon aur naye-naye sambandh sthaapit kar liye aur bhagwan ka jo hamara purana sambandh usko bhul gaye isiliye hamari durgati ho rahi to guru ke sang se bhagwan ke sambandh ki hote hue bhi naveen smriti jagrit ho jati hai aur jahan ye aaya ki mere bhagwan mitra mere bhagwan pati mere bhagwan putr mere bhagwan Swami to bas bhagwan ki prapti sahaj ho jati hai ji nitesh kumar ji bihar se jai shri Radhe shri Harivansh maharaj ji mahara ji jaise Meera ji kahte hain ki mere to Giridhar gopal dusra na koi mahara ji waise hi anurag vaisa hi prem kaise hoga shri ji ke prati ab ham Meera ji to nahi ban sakte lekin Meera ji ke batae hue marg par chalkar jahan Meera ji pahunchi wahan pahunch sakte hain.

Meera ji to nahi ban sakte. Halahal vish ka katra pikar ke nachti rahi. Meera ji jaise ham nahi ban sakte. Meera ji to Meera ji hain. Advitiy hai. Unke jaise jeevan mein kabhi kisi bhog ko sweekar nahi kiya us devi ne jake sir mor mukut mero pati soi mere to Giridhar gopal dusro na koi bachpan se lekar pura jeevan nirvah ham to unke charnon ki dhul ki yachna karte hain. Meera ji banna to baat alag hai. Meera ji kripa kar den aur thoda sa shri Krishna prem jagrit ho jae. Thoda bhagwan naam mein priti ho jae.

yahi bahut badi baat hai. Un devi jaisi hamari samarth kisi ki nahi hai. Kyonki un bachpan se lekar bhagwan ke prem mein matwali Meera ham log to bachpan se lekar bhogon mein matvale ho rahe hain. Sansaar mein matvale ho rahe hain. Wo keval bachpan se jab se sudhi sambhali hogi tab se shri Krishna prem shri Krishna prem ke siva koi anya baat nahi. To Meera ji jaisa banne ki baat to ham Prahlad ji jaisa banne ki baat to ham nahi kah sakte. Dhruv ji jaisa banne ki baat to nahi kah sakte. Haan in mahapurushon ki kripa se inke batae marg par chalne ki samarth hamen aa jae.

aisi baat ham mangte hain. Aur naam jap karo. Naam jap mein sari samarth virajman hai. Naam jap nahi to phir sab natak ho jaega. Naam jap karo. Khub naam jap karo. Krishna Krishna Krishna Radha Radha Radha Ram Ram Ram Ram dekho aap samarth aati hai ki nahi. Khub naam jap karo.

yah path video ke swachalit (auto-generated) upasheershkon se liya gaya hai — ismen shabdon ki trutiyan ho sakti hain. Pramanik vachan ke liye video avashya sunen.

mul video: Bhajan Marg (YouTube)