kis vyakti ka mrityu bhoj nahi pana chahiye?

shri hit Radha keli kunj, Vrindavan mein pujya shri hit Premanand Govind sharan ji maharaj ke saath ekantik vartalaap. Sadhak apne jeevan aur sadhna ke prashn rakhte hain aur maharaj ji unka samadhan karte hain.

pura pravachan

pradip ji saharanpur se shri Harivansh shri Harivansh maharaj ji maharaj ji mera prashn mrityu bhoj ko lekar hai. Mrityu bhoj khane se punya aur ah urja donon nasht hote hain. To maharaj ji kya mrityu bhoj khane se aparadh lagta hai? Nahi aparadh alag chij hoti hai. Aparadh hota hai jaise ham koi galti karte hain. Wo aparadh nahi hota. Punya ksheen uske hote hain jo anadhikari hota hai. Nahi mrityu bhoj se punya ksheen nahi hote. Jaise man lo kisi papi purush ka mrityu bhoj hai. Ab uske bhoj mein aapko bhi paap lagega.

aparadh nahi aparadh ek alag chij hoti hai. Usmen aapko paap lagega. Lekin naam jap karta raha hai. Vaishnav hai to aapke punya badh jaenge. Uska bhoj pane se aapke punya badh jaenge. Aur agar sam aise sansari aadmi hai to na paap banega na punya banega. Samjh pa rahe hain aap? Wah koi aparadh nahi hai. Aparadh jaise kisi jeev ke mans ko khana yah aparadh hai ya kisi ka hissa cura lena phir uska bhog karna yah aparadh ke antargat hai. Wo aparadh ke antargat nahi aata hai. Wo matlab mrityu mahotsav hai. Jaise ham byah mahotsav manate hain.

aise mrityu mahotsav manaya jaata hai. To agar wo bhakt ka hai to jarur jakar pana chahiye. Abhakt ka hai, papi purush ka hai to bachna chahiye aur ghar parivaar ka hai to sam baat hai wo jakar pa lene se koi hani nahi hoti hai. Wo koi aparadh nahi hota hai. Larika Sharma ji Radhe Radhe Radhe-Radhe maharaj ji maharaj ji mera prashn yah hai ki mujhe gyaat hai ki mujhe kya karna chahiye aur kya nahi karna chahiye. Kya sahi hai kya galat hai. Jaise hi mujhe malum hai ki mujhe padhai samay par karni chahiye aur apne karm karna chahiye.

parantu mujhe in kamon mein man nahi lagta. Iske bajay mujhe phone dekhna khelnaa zyada pasand hai. Kripya margdarshan karen. Naam jap kijiye. Naam jap jitna adhik karoge adhyatma bal badhega. Ham apni jankari ka prayog kyon nahi kar pate? Kyonki ham nirbhal hain. Jaise ham jante hain ye nahi karna chahiye. Paap karm hai. Yah samaj mein bhi nishedh hai. Shastr mein bhi nishedh aur man hamara isi mein lag raha hai. Ham usko nahi rok pate kyonki hamare andar adhyatma bal nahi. Hamare andar bhagvatik bal nahi. Man ko bhagvatik bal se rok sakte hain.

sansarik bal se nahi. Man ko rokne ke liye bhagvatik bal hai. To galat acharno se rokna aur sahi aacharan karana iske liye hamen bhagvatik bal chahiye. To naam jap kijiye. Adhik naam jap kijiye aur ye jaise boyfriend, girlfriend ye jo chal raha hai aaj ka natak isse bchie. Naye bachchhe ho kabhi aisi galti mat karna. Naam jap karo aur chupchap padhai mein apna man lagao aur mobile mein gandi baten mat dekhna. Ghar walon ki agyaa mein raho. Nahi aajkal bachchha bahut samay kharab hai. Wah mitrata ka natak karke tumhen phansaega aur phir gande aacharan karega.

bilkul nahi bacho. Abhi jab matlab bhagwan us yogya bankar byah kar do tab baat alag hai. Tab tak bachchon ko bahut savdhaan rahna chahiye. Ye sab gandi baten nahi karni chahiye. Boyfriend karna, nasha karna ye sab bahut hanikarak hai. Chhote-chhote bachchon mein gandi baten aati hai to bache rahna bachchha. Ye bahut badi gandi baten hain. Ji meenakshi ji shri Harivansh maharaj ji shri Harivansh maharaj ji maharaj ji jab bhi shri ji shri dham bulati hai to mera man shri dham Vrindavan ane ki khushi se zyada yahan se wapas lautne ke kasht mein hota hai aur jo prabhu ke dwara diya gaya abhinay hai use puri tarah se man nahi laga pati maharaj nahi abhinay mein man lagao aur yah dukh hona achchhi baat hai dham chodna bhagwan ka naam chodna bhagwan ki rup leela chhut jana ismen to dukh hona chahiye par apna kartavya bhi bhagwan ki puja hai jo hamen ghar parivaar pati putr parivaar aadi mile hain.

inki dharm purvak aradhna karna. Yah hamari puja use nahi chhoda jae. Usko kiya jae. Agar wah chhod doge to yah bhi sukh chala jaega. Yah jo Vrindavan aap aati ho aapko sukh lagta hai yah bhi chhut jaega kyonki adharm ban jaega. Apne parivaar ka poshan karna dharm hai. Wo bhagwan ne aapko duty di hai. Bhagwan ki agyaa ka palan karte hue pati putr parivaar ki seva karna yah aapki puja hai. Usi puja ko sambhaliye aur naam jap kijiye.

yah path video ke swachalit (auto-generated) upasheershkon se liya gaya hai — ismen shabdon ki trutiyan ho sakti hain. Pramanik vachan ke liye video avashya sunen.

mul video: Bhajan Marg (YouTube)