bhakt Raghunath mahapatra ji ka charit | An AI Short Video | Pujya Premanand Govind Sharan Ji Maharaj

pujya maharaj ji ke Shrimukh se bhakt-charit — puri katha upar video mein sunen.

pura pravachan

bada sundar prasang hai. Yah shri Raghunath ji naam ke ek bhakt ka hai. Yah mahapatra Raghunath ki charcha hai. Inke mahan bhagwat bhakt pita hue Raghunath ji ke. Unka naam tha Krishna chandra mahapatra. Yah dhani mani the. Khub vaibhav tha. Aur yah sadaiv santo ki seva karte rahte the. Bhagwan ki kripa se shri Krishna chandra mahapatra ke yahan Raghunath namak ek balak ka pradurbhav hua. Raghunath ka swabhav bacchapan se hi bahut gambhir rahna susheel namr aur santo ke samip baithna. Abhi chhote balak hi hain Raghunath ji aur santo ke mukh se sunkar ke bhagwan naam japna chahiye.

jeevan ka uddeshya bhagwat prapti aadi aadi ye jab sunte to unke hriday mein nirmal hriday mein ek sanskar baith gaya. Mujhe naam nirantar japna hai aur mujhe bhagwan ji se milna hai. Shri Raghunath ji ke bhi hriday mein baat usi bacchapan se hi baith gaye ki bhagwan naam japna yah jeevan ka param labh hai. Ab to ekant mein wo prabhu ke naam ka smaran karna. Ghar mein jo thakur ji virajman the bar-bar dandvat karna. Chhote se balak hai jab dekha koi nahi to bar-bar thakur ji ko dand dekho yah kripa santo ki chhote bachchha hai bar-bar thakur ji ko dekhte hain sashtang dandvat hote hain hath jodkar khade ho jaate hain thakur ji ki pradeekshana karte hain dhire-dhire inki avastha 17 varsh ki hui mata-pita ne unka vivah kiya kalavteepur ke gangadhar karan naam ke dhani mani purush ki ek annapurna naam ki kanya se unka vivah hua.

annapurna ke sat bhai the aur unmein se sabse chhoti kanya thi. To yah bahut dulari thi aur dhani mani the hi to Raghunath ji ke saath unka byah hua aur khub aadar satkar sammaan priyata jaise rishte natedaro ki hoti hai Raghunath das ji ko bahut chubha hriday mein ki mere hriday ki to vikalta thi ki prabhu mile aur yah kya ho raha hai prabhu mujhe kyon bandh diye hriday mein badi vikalta jab pehle samay ki jabki yah charcha hai bahut kam avastha mein byah ho jaata. Agar 17 varsh ki avastha thi to 13 14 varsh ki annapurna ji ki avastha hogi.

bahut chhoti avastha mein byah ho jaate the. Sulakshana sundar susheel aur bahut hi sundar aisa uska saral swabhav annapurna ka. Lekin inke hriday mein chubhan nahi prabhu mujhe nahi chahiye. Yah sansarik priyata nahi chahiye. Mujhe aapke siva kisi se apnapan nahi karna. 17 varsh ki avastha hai. Dekho sant kripa ka prabhav aisi bhakti dridh hai ki inko khushi nahi hui. Mata-pita ne apni prasannata ke liye inka byah kiya. Ab to udasin rahte hain. Lekin wo annapurna aise mangal swabhav ki kabhi inse koi prashn nahi kiya.

hriday se nischay kiya mere jeevan dhan mere prannath chahe jis sthiti mein rahe kabhi inko pratikultaa nahi dungi aur sadaiv inke adhin rahungi uska nischay inke pita jab dekhen hamare bete ka byah ho gaya to ek prasannata ai aur inhone vichar kiya jisjis ko hamne byaj mein paisa diya tha ab kisi ka byaj nahi lenge ek utsah vritti sabka byaj maaf kar diya dhire-dhire unka sharir bimar hua aur aisa laga ki hamare hamare pran nikal jaenge. Raghunath ko samip bulaya. Maranaasan saiya pe hai aur bulakar ke kaha beta main chahta hoon ki kabhi mere naam ka koi karja na rah jae.

yah jo hamne bahut dhan diya logon ko sant sevit satkar aadi mein to kabhi-ka hamne kisi se dhan bhi liye hain. To agar koi hamare marne ke baad tumse kahe ki yah hamse karja liye the to usko wapas de dena. Itna tum karna kyonki main bhagwan ke samip jakar ke sadaiv unki seva mein rahun aur yahan koi kose kah rahe ho to hamara karja le mar gaya to main aisa nahi chahta aur wo maranaasan sthiti mein murcha sthiti mein aisa Raghunath ji ko adesh kiya. Ab bhagwan ki leela hi thi aur wo padhar gaye. Unki jo maa thi Raghunath das ji ki kuch samay mein unki bhi mrityu ho gayi.

ab jab logon ko yah pata chala ki wah marte samay kah gaye the ki jinka karja ho de dena to jinke karje nahi the wah bhi aa jaate bole hamara karja tha wo de yahan tak ki chhali kapti logon ne unka ghar bhi le liya to annapurna jo unki patni thi unke to pita dhani mani the apni putri ko le gaye aaj tak kabhi Raghunath ji mile nahi usse ghar mein hi rahte hue kabhi pati patni ke bhav se nahi wo bas dekh leti thi mere upar wo har samay udas bhav se prabhu ka chintan karte bhagwan leela bihari aise hain ki chhali kapti logon ne ki mera bhi karja tha mera bhi karja ghar bhi chhin liya unka bahu to chali gayi apne mayke wo sat bhai the to liva gaye yadyapi wo jana nahi chahti thi phir bhi liva gaye ab Raghunath das ji akele ho gaye Raghunath ji ab to jahan koi unhen bhojan de deta ab unko koi chinta nahi bas bas nirantar naam jap karna aur bhagwat chintan mein magan rahna aur ye siddhant hriday mein utar gaya ja vidhi rakhe Ram tah vidhi rahie joi joi pyaro kare soi moh bhave jaise prabhu mujhe rakhe koi shikwa shikayat nahi ye

dekho kripa yah kripa hai kripa bhagwan kahte jis par main kripa karta hoon uske sare rag nasht kar deta hoon khatm mata-pita antardhya ho gaye sampatti jo thi wo kuch bat gayi kuch chhin gayi aap patni ko le gaye parivaar ke jan uske mayke wale aap akele ab jab koi bhojan de deta pa lete nahi to khub naam jap karte bhagwan naam chintan mein dube rahte ab jo bhagwat marg ke pathik hote hain unke hriday ko prabhu kaise akarshak ab inke man mein aaya ki yahan galiyon mein bhatakne se kya hai prabhu ke kisi dham ka ham aashray

le vichar kiya nazdik kaun dham parta hai to kalavti se nazdik padte the Jagannath Puri vichar kiya main Jagannath Puri jaun wahi thakur ji ke juthan paun aur apna jeevan vyatit karun aisi bhavna se wo bhagwan naam jap karte hue bhav mein bhar ke puri ke liye chale neelachal Puri shri Jagannath dham aur wahan jakar ke mandir mein sashtang dandvat kiya aur bas darwaze ke mein jo bhikshuk jan khade rahte the wahan jo unko mil jaata usi se udar poshan karte hain. Ab prabhu se khadekhde darwaze par prarthna karte prabhu main anath hoon na mere mata hai na pita hai aur na mere koi bhai hai na koi mera mitra hai jeevan mein aur na maine aaj tak kisi ko apna mana hai prabhu aap mere ho sweekar kar lo he prabhu aap mere ho main aapka hoon yah sweekar kar lo bahut andar se vikal hue sinh paur mein wahi jab mandir band hua to so gaye to thakur ji ne swapna mein unse akar ke kaha ki maine sweekar kiya tu mera hai.

ab to bahut anand jab jage to bahut kyonki hamari prarthna swikrat ho gayi. Thakur ji ne swapna mein kaha ki tum jis bhav se mujhe sweekar karo. Maine tumhen sweekar kar liya. Ab tum aaj se apne ko anath mat manna. Main tumhara hoon aur tum hamare ho. Ab to unko bada anand ane laga. Bade bhav se Jagannath ji ke darshan karte rahte aur wahi sinh pau mein jo kuch bhikshukon ke saath unko mil jaata usi se udar poshan karte phata purana vastr apne sharir mein dale. Ab to kisi ki koi chinta nahi koi ab andar se koi akanksha nahi.

koi sambandh hi nahi. Dridh bhavna se bhav mein bhar ke vishwas purvak katar bhav se prabhu ko pukarte rahte. Prabhu ka naam kirtan karte rahte. Prabhu ke kripa prasad se unke hriday mein ekmatra bhagwat bhakti rah gayi. Keval bhakti ka hi purn rajya hriday mein. Ab jab ye kuch Jagannath Puri se yatri jan gaye to jo annapurna ke pita the, mata the aur sat bhai the, wah dhani mani the aur bahut hi kathor buddhi ke the. Un logon ko jab yah kuch logon ne bataya ki Jagannath Puri mein hamne dekha ki tumhare jo jamata hai na damad phate purane kapde pahne wahan bhikh mangte hain wahi darwaze mein dekha Jagannath ji ke to aapas mein annapurna ke mata pita ne vichar kiya ki ham apni putri ko kyon jeevan bhar aise baitha le rahe hain wo to bikhari hai uska sab kuch nasht bhi ho gaya hai aur ham to dhani mani hai ham dusra vivah apni putri ka karte hain.

bina us annapurna se salah liye unhone unka byah tay kiya. Wahan ke rajmantri ke putr se aur wah janta tha ki iska byah ho gaya. Par bahut sundar susheel swabhav ki thi aur wah bahut hi gande swabhav ka tha jo rajmantri ka beta tha. Wo raji ho gaya byah karne ke liye. Ab pita ki yah baat jab annapurna ke kan mein pahunchi dhire-dhire ki hamara dusra vivah ho raha hai rajmantri ke ladke se. Ab to wo bahut kamp gayi. Usne kaha aise kaise ho sakta hai? Theek hai hamare pati hamse kabhi bole nahi.

theek hai hamare pati ke paas dhan nahi rah gaya. Theek hai. Hamare pati bhikshavitti se Jagannath ji ke darwaze par baithe rahte hain. Lekin hai na mere pritam hai na jab hai to main dusre ko kaise swapna mein bhi sweekar kar sakti hoon. Gangadhar aur mantri putr donon ne yah dridh nischay kar liya ki ab vivah pakka phalgun shukla panchmi tithi tay ho gayi. Annapurna ne jab yah sab baten suni to vichar kiya aur Jagannath ji ka smaran kiya. Prabhu aisa kaise ho sakta hai? Mere pati aapki sharan mein aur mujhe dusre ke saath jana pare.

maine nischay kiya hai ki jinse mera byah hua wahi mere pritam hai. Prabhu aap hi meri raksha kar sakte ho. Andar hi andar wo prabhu se prarthna karne lagi. Raat din baithe-baithe ghutti. Ab use khana pina accha nahi lagta. Bolna chalna accha nahi lagta. Raton jag ke Jagannath ji ko pukarti rahti. Koi aisa upay kar do jisse mera byah ruk jae. Ek dasi thi jo annapurna ko maa ki tarah dular kiya tha. Dhai maa use kahte hain. Prakt karne wali maa aur uski seva karne wali dhai maa. Bade gharo mein sevika rup se aajeevan dasi bhav se jo rahti thi wo wo dhai maa ke samip gayi aur uski god mein baithkar kaha ki maa mujhe bacha lo.

main apne dharm se bhrasht nahi hona chahti. Aur yah dushtata ka rup liye hue mere mata-pita mantri ke putr ke saath byah nischay kar chuke hain. Phalgun shukla panchmi ko koi upay batao. Kisi dusre ko chune bhi nahi dungi. Dhai maa ne kaha beti tu chinta mat kar. Maine tujhe pala posa hai. Koi na koi neelachal nath Jagannath ji maharaj koi na koi upay jarur karenge. Aap to nishcint rahe. Dasi ek din vichar karte hue nikli aur mohale mein pata lagaya. Bahut bada nagar tha kalavti. Mohale mein pata laga koi Jagannath Puri ja raha hai kya?

to usko pata laga ki kuch log Jagannath ji ke darshan karne ja rahe hain. Wo ai annapurna se kaha ki baat ban gayi Jagannath ji ke darshan karne apne hi mohale ke kuch bhagat log ja rahe hain. Aap ek patr likho aur wah patr Raghunath ji ko dhund kar de denge aur wo aa jaenge to byah ruk jaega. Wah rok sakte hain. Wah tumhare pati hain. Wah aa jaenge to apne aap samaj hai. Samaj sab saath ho jaegi aur tumhara byah ruk jaega. Usne ek patr likha he prannath he Jagannath main aapko pranam karti hoon. Mere pritam aapki hi sharan mein hai.

main unki dasi hoon. Agami phalgun shukla panchmi ke din rajya mantri ke putr ke saath mera vivah hona nischit kiya gaya hai. Yadi aapne kripa na ki aur akar ke vivah na roka apne patav dharm se main vichlit nahi hone wali. Samay tak aapki bat dekhungi. Yadi aap aae nahi pran tyag dungi. Annapurna ne dasi ke hath mein dhae maa ke hath mein patr diya. Dhaay maa patr lekar ke unke paas gayi jo puri darshan karne ja rahe the. Hath jodkar ke kaha ki yah patr unko dena hai. Suna hai ki wah sinh paur mein darwaze par rahte hain.

bhikshuk vesh mein unka Raghunath naam hai. Yah patr unko aap de dena. Bahut kripa hogi. Kisi ka jeevan bach jaega. Yadi aap patri wahan tak pahuncha denge. Bhakt hriday un logon ne kaha aap chinta mat karo. Jagannath ji ke darshan karke ab hamara dusra karya yahi rahega. Raghunath ji ko khojana kahin bhi Jagannath Puri mein hai to jab tak wo milenge nahi unko patr nahi dunga tab tak wapas nahi aaunga aap chinta mat karo badi sahanubhuti prakt ki un logon ne bharosa diya aur wah puri ke liye ravana hue maagh mahina ke shesh hote hote wo puri pahunch gaye kai dino tak darshan karke wo khoj karte rahe kyonki kuch samay ke liye Raghunath das ji wahan ate aur jo kuch milta lete aur ekant mein samudra kinare baithkar ke bhagwan naam jap karte to ek din aksmaat mandir ke sinh parv par unhone dekha phate purane vastr malin bhash aur oth hil rahe hain.

bhagwan naam chal raha hai. Pucha tumhara Raghunath naam hai. Unhone kaha ji to unhone kaha ye tumhari patni ne patr diya hai. Vichar kiye ki Jagannath ji ke siva mera to koi hai nahi. Par agar wah Jagannath dham mein patr bheja hai to Jagannath ji ke liye hi hai. Is bhavna se le liya aur pehle prabhu ko arpit kiya aise dekho prabhu ye patr aaya hai. Phir unhone padha padhte hi chitt vyakul ho gaya. Kyonki meri patni isliye vyakul nahi hua. Ek jeev jo is sharir se sambandh manta hai aur yah sharir prabhu ka sharanagat hai aur wah atmhtyaa kar lega.

is baat se wah vyakul ho gaye. Aur ab phalgun shukla panchmi ke keval 10 din shesh rah gaye hain. Aur puri se agar paidel chala jae to ek mahina ka rasta hai. Pahunch nahi sakta. Agar ham bhage bhi to nahi pahunch sakte aur wo sham tak atmhtyaa kar legi. Agar us tithi ko na pahunche kya karun? Thodi der vichar karne lage. Phir ekdam prasann hue. Jo Jagannath ji chaenge wahi hoga. Patr hamne unko dikha diya. Manorath kalpadrum to Jagannath ji hain. Kripa sagar hain. Vipatti nashak hain. Unko jaisa uchit hoga wo karenge.

ekdam nishcint ho gaye. Thodi der ke liye chinta bade bado ke hriday mein aa jati hai. Nishcint ho gaye Raghunath ji Jagannath ji jane aur bhagwat smaran karne lage. Sarvantaryami sarv samarth karat akar anytha kartum prabhu se koi baat chhipi nahi aur koi baat aisi nahi jo purn na kar sake. Sinh dwaar par chitde mein lipte hue bhagwan naam smaran karte hue wah so gaye. Ratri mein sharanagat vsal bhagwan Jagannath ji ne leela rachi. Kalavti puri jo gangadhar karan ji jahan rahte the usi darwaze par aankh khuli. Shri Raghunath ji ki jab jage subah to ab sinh paur mein soe the aur sidhe wahi unke liye kuch durlabh hai.

Raghunath ji ki aankh khuli to dekha ki yahan to sinh paur nahi ye to Jagannath ji ka mandir nahi prabhu sarwcharyamay hai. Aankh khulte hi dekha ki ye kis gram mein aa gaye. Kaun se ab byah jab hua tha tab gaye the. Kabhi dobara sasural gaye nahi. Dulha ban ke gaye the to aisa kuch khas yad nahi tha to logon se pucha ki yah Jagannath Puri to hai nahi aur swapna mein hoon nahi jagrit hoon aise chu ke dekha ki jag raha hoon ye hai kaun sa nagar aur ye kiska mahal hai aap batane ki cheshta karen to log kahte tum pagal pehle logon se puchte main jag raha hoon na to log samjhte kahte bhai tum jag rahe ho aap bole jag Jagannath Puri hai ki nahi?

bole yah Jagannath Puri ye kaun sa shahar hai? Kyonki ekdam raton raat sab hua. Bole kalavti nagar hai aur jahan tum baithe ho samne mahal mahan dhan sampann jo gangadhar hai unka hai. Gangadhar to mere sasur ka naam tha. Accha to ye Jagannath ji ki leela hui. Patr ka uttar sidhe hamen aisa dekho kaisi leela rachi. Sidhe ratri mein hi Jagannath ji sasural pahuncha diye unko. Ab jab ghar wale nikle to dekha phate purane kapde mein Raghunath bhag ke gaya. Ladka jo sat bhai the bole sab gadbad ho gaya. Kya bole wo aa gaya.

annapurna ka jo pati tha wo to samne darwaze mein baitha hua hai. Bhage mata-pita aur bahar jakar bole are beta bahar kyon baithe ho? Yah log sab bade kapti swabhav ke the aur tatkaal hath pakar kar ghar ke andar aae ki koi jaan na pave ki inka damad hai kyonki byah tay ho gaya hai phir log hansi udaenge andar le gaye annapurna ne bhi dekha pati aae to mansik pranam kiya ekant mein baithi hui thi bahut Jagannath ji ke prati bar-bar aho prabhu bade kripalu bade kripalu netron se premashru dhara bahne lagi dhyan mein magan ho gayi prabhu ki prabhu aaj maine dekh liya aap hamari ar pukar sun liye prabhu tumhare bina aisa kaun khel kar sakta hai abhi 10 din bakaya hai aur pehle hi hamare pati ko bhej diya wo bahut anand mein magan hai Raghunath tan man ki sudhi bhule hue Jagannath ji se baat kar rahe andar hi andar prabhu kaise kripal ho kaise leeladhari ho aur patni bhi unki bhav mein doob rahi hai aur yah sab pura parivaar jal raha hai ab kya kiya jae yah to aa gaya.

ab kya kiya jae? Kyonki agar yah yahan jivit hai to byah kaise ho sakta hai? Samaj bhi to hai aur aapas mein baithkar ke salah karne lage. To sas ne kaha tum chinta mat karo. Vidhan sab banayenge. Pehle kuch khwa piya ke ise raji karen. Bhojan pavaya kapde achhche diye aur kaha ki aap bahut dino baad padhare hain. Badi kripa hai. Aap kamre mein vishram karen. Annapurna man mein dar gayi ki yah kapti log jo hamare na chahne par bhi byah tay kar rahe the. Hamare pati se itna prem dikha rahe hain. Ismen koi kapt hai.

andar hi andar wo samjh gayi ki yah jaise katra to sone ka hai lekin bhara usmen vish hai. Priyata to dikha rahi hai ja mata jaisi hi ki bhai hamara damad aaya hai lekin andar inki jarur chhal kapt hai. Hriday mein wo vichar karen ki prabhu hamen dar lag raha hai ki koi na koi visham leela na kar de. Ab jab wah saiya par lete hue hain kamre mein Raghunath ji dhire-dhire pativrata annapurna ji gayi aur unke charnon ko sparsh kiya dhire-dhire charan dabane lagi aur unke man mein bahut baten aa rahi ki main apne pati se bolun lekin ek bhi shabd na bol paye.

Raghunath ji dekha ki patni charan daba rahi shant gambhir. Unke bhi man mein aaya ki main isko dhandas banau lekin na wah kuch bol paye na wah kuch bol paye. Annapurna ke mata ai aur boli chalo chalo dekho thake hue aae unko sone do tum hato aur bechari bahut lajja sankoch se usko hath pakar ke annapurna ka le gayi ekant kamre mein tu yahan baith damad ko sone de aur wo samjh gayi koi na koi inki aisi mantrana hogi jisse hamare pati ki hani ho ek kothri ke kone mein gangadhar uski patni aur sato putr putr milkar vichar kiya kya kiya jae isko raat mein mar diya jae to unhone kaha agar aise marogey to annapurna halla macha degi koi aisa upay

karo jisse annapurna bhi na jaan paye ye mar jae aur subah ham log yah kah denge ki kale sarp ne kaat khaya ye mar gaye phir koi baat nahi hogi phir to byah ho hi jaega wo to tay hi hai phalgun shukla panchmi ko ab wo sala salah shadyantrakari ye mata-pita aur bhaion ne kiya aur bahut hi teekshan vish mangaya gaya aur sandhya kal ke jo bhojan ki tayyari thi sundar sundar pua khir puri aur mithai sab mein vish mila diya dekho kaisi paap murti parivaar ke jan hai sab mein vish mila diya ki is bikhari ko

mar do aur us raj mantri ke putr ke saath jo byah tay hai hamari putri ka byah ho jaega. Wo samjh gayi ki kuch na kuch to gadbad hai. Wo rasoi mein gayi. Boli maa mujhe bhi seva ka avsar dijiye. Mere patidev aae. Are nahi tu to nahi mere damad hain. Aaj to mujhe kal bhale tu pawa dena. Aaj sham ki rasoi mein tera pravesh nahi. Tu to baith jake dur. Na to pati se milne de rahe hain na rasoi mein ane diya. Usko pakka vishwas ho gaya. To usne dhaay maa se kaha ki tum kripa karo hamen kisi tarah sanket milna chahiye ki in logon ka kya shadyantra ho raha hai.

koi na koi to hai mera hriday kah raha hai kuch na kuch to gadbad kar rahe hain. Kuch na kuch mere pati ka ahit karna chahte hain. Ab dhaay maa to dasi thi. Uske liye to koi rog tha nahi. Wah dhire se wahan ke sab rasoi ke rahasya ko jaan ke ai aur kaha beti yah to bahut badi nindniy baat hai ki tumhare mata-pita aur bhai milkar bahut teekshan jahr is swadisht bhojan mein milaya gaya hai aur yah sab tumhare pati ko marna chahte hain. Ab to wo ghabra gayi. Himmat ki ki jo kuch bhi ho pati ke prannon ki raksha karni chahiye.

gayi daud padi uski maa rasoi mein pravesh hote hi rok diya. Are tum kyon aa rahi ho? To unka maa meri bhi ichchha hai. Kuch na kuch to meri bhi seva lage na. Mere pati aae hain. Meri ichchha hai. Na ab usne bhagwan ki aisi leela thi ki jo apne liye bhojan tayyar kiya tha sas ne wo bhojan uthyi aur dusre kamre mein rakhne ke liye gayi. Itne mein avsar mila jo thal sajai gayi thi jahr se bhare hue padartho se Raghunath ji ki usmen pishti mithai thi jo do pees mein chipki hui thi turant dekha usne aur jaise chhauk lagane mein ek patr hota hai tej patr wo jo chhauk lagane mein hota hai na usko tatkaal usne liya aur apne kajal se likha vish hai vish hai likh ke us pishti mein daba ke sabse upar rakh diya aur bhagwan se prarthna ki aur janti thi ki prasad pawane mein pehle pavaya tha ki mitha inko bahut pasand hai.

agar thal mein mitha hota to sabse pehle mitha pate. Usko pata tha aur usne Jagannath ji se prarthna kiya he bhagwan meri prarthna sun lo. Mere pati sabse pehle isi pishti mithai ko le aur wo use khol kar dekh le. Itni aap kripa karna. Sone ki thal mein sundar sundar katoriyon mein khir sabji puri yah sab aur sabke upar phir mithai ab wo yah rahasya maa nahi jaan pai ki us mithai ke beech mein us tej patr mein likha hai ki vish hai aisa likhkar ke usne Raghunath ji ke samne thal pahunchi Raghunath ji to jai Jagannath aankh munda aur kirtan karne lage aur bhavna mein ek ek kaval Jagannath ji ko pawane lage thodi der ke baad phir aankh kholi aur jai Jagannath aur je wo pishti uthyi sab pure parivaar ke jan taak rahe hain ki ab to bas payega thodi der mein mar jaega aise pishti kholi to nazar bacha ke aise dekha ki vish hai khidki se patni bhi dekh rahi thi to unhone aise dekha patni samjh gayi ki dekh liya bahut prasann hui hat gayi wahan se ab wo vichar karne lage ki yah to hamne Jagannath ji ko arpit kar diya jo vastu Jagannath ji ko arpit kar diya.

jab prabhu ko bhog laga diya. Apne log ho to kah de koi sakshat thodi lagaya to bhavna mein laga hai. Ham nahi payenge jahr hai ismen lekin nishtha. Unhone kaha jab hamne Jagannath ji ko pawa diya. Mere prabhu ne pa liya to phir kya marna to ek bar hai hi na. Ham prabhu ko arpit kiye hue prasad ko nahi chhod sakte. Prabhu ko to laga diya bhog. Ab kahe ki ismen jahr hai phir aisa nahi. Jai Jagannath. Pana prarambh kiya. Jaisa purn paya jaata hai waise hi pate pate sharir nila hone laga. Kyonki jahr thai ankhon ke samne andhkar chhaya murchhai gir.

accha wo annapurna ji isliye prasann hai ki pati ne padh liya. Aap kahe ko khaenge? Wo to chali gayi prasann hokar. Bhagwan ne meri baat sun li aur wo matapita bhai sab bilkul khade hain. Pura prasad jise paya jaata hai pate hi ankhon ke samne andhera chhane laga. Sharir nila padne laga gire aur pran nikal gaye. Jab unko duston ne dekha ki mar gaye. To dhire se darwaza laga diya aur ki thoda aur ratri ho jae. Phir ham halla macha denge ki dekho damad ko saanp ne kaat khaya aur yah mar gaye to annapurna bhi koi shanka nahi kar paegi.

phir ham inko daphna denge. Aisi bhav bade prasann hue wo sas sasur aur wo bhaeejan ki badhiya hamari jo shadyantra tha wo pura hua. Hamari baat puri ho gayi. Ab ye mar jaega. Ab rajmantri ke saath byah hoga. Ab wo vishisht ka prabhav para. Pura sharir nila ho gaya. Jab sabko prasann dekha tab uske man mein ai annapurna ke man mein usne dhae se kaha ki tum daud ke dekho kya baat hai ye prasann kyon hai dhae ne kaha ye khusur khusur aapas mein baat kar rahe hain hamen lagta hai koi khad inka kam kar gaya usne vichar kiya ki jab mere pati mere samne padh ke dekh liye the vish hai phir wo khaenge kyon jab khaenge nahi to koi aisa shadyantra inka chalega nahi dh se kaha tum daud ke kamre mein jhaank ke dekh ke aao to ek deepak jal raha tha.

usmen dekha pura sharir nila phen nikla hua. Ankhen khuli bhag ke ai aur kaha gazab ho gaya. Unka sharir nila hai aur hamen lagta hai unke pran nikal gaye hain. Ab to vikal ho gayi. Aisa kyon hua? Kyonki hamne to likh diya tha ismen vish hai aur pati ne padh bhi liya tha. Aisa kyon? Wo bhag ke gayi aur khidki se jhaank kar ke dekha to pati ko nishpran dekha. Ab to kamp gayi aur Jagannath ji se kaha ki aapke hote hue prabhu aisa kaise ho gaya? He din bandhu he patit pavan aisa kaise ho gaya? Prabhu aap to sarv samarth hai aur hamne likh ke bhi aapki prerna se diya aur unhone aapki prerna se padha bhi phir aisa kaise ho gaya?

bahut andar se bahut wo dukhi hai. Vikal ho rahi hai. Phir annapurna ekant mein baithkar ke ar bhav se prabhu se prarthna karen he kartum antha kartum sarv samarth Swami aapke liye vish ko amrit kar dena. Kya koi ascharya ki baat ho sakti hai? Mere pritam ko bacha lo. He pran pyare mere pritam ko ab wo bar-bar ekant kamre mein baithi bar-bar aati himmat nahi par rahi ki ab karen to kya karen kyonki dekhti hai ki pati padhar gaye aur yah dusht jan aandit ho rahe hain uske hriday mein andhkar chhaa raha kya karun charon or apne aap ko nirbhal dekhkar ke wo ar bhav se prabhu ko pukara he Jagannath kripa karo he karunamay kripa karo ar bhav se jab is devi ne pukar ki to akhil vishv ke Swami shri thakur ji maharaj ruk nahi sake.

tatkaal dekha ki kamra prakashit ho gaya. Usne khidki se jhaank ke dekha kamra prakashit ho gaya aur neel Shyam megh jaisi ang ka hai. Nau kishor avastha hai aur Raghunath das ji ke sir ko apni god mein rakh ke jaise maa dular karti hai. Aise prabhu hath phere. Prabhu ka sparsh hote hi Raghunath jees ji ke sharir mein jaise bijli daud padi ho karat hai wah bahut aandit hui Ghanshyam ke Shyam ang ki kant se sampurn wo kamra prakashit ho raha hai ab wo log to prasann hai alag kamre mein sab baithe hue hai ki bahut badhiya baat ban gayi wo to mar hi gaya hai ab usko daphna denge aur byah ho jaega lekin shri thakur ji ki leela pran pati ke mastak par jagat pati ka hath dekhkar ke bahut aandit hui.

thakur ji aiseise hath phara rahe hain. Phir madhur swar mein thakur ji bole ki mere lal Raghunath uth koi srishti mein aisa vish hi nahi bana jo tujhe achet kar sake. Uth ja. Aisa prabhu bol rahe hain. Dekh main aa gaya hoon. Uth ja. Aisa thakur ji ye bhi bole to wo jaise koi bahut gahri nind se so ke utha ho uthe. Ab jo hi uthe thakur ji antar dhyan Raghunath ji ko laga ki bahut thake hue the aaj bahut gahri nind aa gayi ab wo pativrata bahut prasann hui bas hat gayi wahan se ki koi jaan na pave ekant mein gayi ab wo bahut aandit hai ki meri baat shri thakur Jagannath ji ne sun li aur usko thakur ji ka darshan hua dekha thakur ji aae ab aap dekho uska kya bhajan hai ek bhagwat bhakt pati ke prati purn aasakt hai to dekho abhi abhi sakshat Jagannath ji ka darshan Raghunath ji ko nahi hua.

unki patni ko ho gaya. Dekha ki thakur ji aae hain. God mein sir rakha. Raghunath ji ka dular aur Raghunath ji bhi jagah thakur ji antardhan ho gaye. Raghunath ji uthkar ke baithe aur jaise aankh malte hue koi nind se jaga hua aur bole aaj to bahut sukh mila nind mein. Phir vichar kiya ki nahi nahi maine to jahr bhara bhojan paya tha aur mujhe vyatha bhi hui thi. Main murcha ko bhi prapt ho gaya tha. Badi vedna badi jalan angon mein hui thi. To yah mera matlab ki mere pran nikal gaye the. Mujhe shayad prabhu ne jivit kiya hai.

main so nahi raha tha. Main to mar chuka tha. Bas samjh gaya. Jagannath ji samjh gaya tumhari karuna. Aapne hi mujhe bachaya hai. Bahut aandit hue aur bade pyar se bar-bar prabhu ka dhyan kar rahe. Ab to aur anand kyonki prabhu ne sparsh kiya hai na bhakt Raghunath ji vyatha hari hari ke prati purn aasakt hokar ke kabhi jorjor se hans dete hain kamre mein. Kabhi chikh kar ro dete hain aur kabhi prem pralap baten kar rahe hain. Ab to udhar awaz pahunchi. Ab wah shadyantrakari sat bhai aur uski maa aur uske pita ne socha ki kamre se hansi ki awaz kaisi aa rahi wo to mar gaya tha bhage jab bhag ke akar dekha to bavare se kabhi Jagannath ji ke dhyan mein hans rahe kabhi ro rahe hain kabhi prem unko laga are bole nakli jahr tha kya bole nahi jahr to asli tha ye bach kaise gaya ab to hriday mein unke bhay sama gaya ab gangadhar uski stri sato ladke bhayanak chinta mein jalne lage ki are yah to mara hi nahi.

in duston ne dekho vichar karke jahr de diya. Jab dekha ki jahr ka to koi prabhav nahi. Ab wo to kamp gaye. Bahar se jhanke ab to unka hriday jalne laga. Ab kya karen? Ab wo papiyon ke liye ek ek kshan mahan kashtadayak hriday jal raha hai. Kya karen? Ab wah vichar karne lage ki kya karen? Kaise kyonki maine to jahr bhi diya aur yah mara nahi bach gaya aur byah ki tarikh pakki hai. Mantri ke putr ke saath byah hona hai. Sab kamp rahe hain. Vichar kar rahe kya karna chahiye? Aur idhar jai Jagannath jai hari jai Jagannath jai hari.

ye to naam kirtan karte hain. Kabhi nachte hain, kabhi hanste hain, kabhi gate hain. Raghunath ji to anand mein magan hai aur yah sab jal rahe. Inka hriday ek to aparadh ban gaya. Dusri baat aisi kalashta ki bhavna karne wale ko kahin shanti mil sakti hai kya? Bhakt to jhoom raha hai aur yah sab jal rahe. Ab unke hriday mein aaya ki yah koi mamuli aadmi nahi hai. Jo jahr khakar ke bhi jinda hai. To sab ne ishare se vichar kiya isi ke pair pakdo. Phir koi baad mein chal chali jaegi. Pehle to pair pakdo. Tab gaye charnon mein sab pranam kiya aur kaha ki mere se galti ho gayi.

mujhe kshma karo. Shri Raghunath ji ne prasann mudra mein kaha ki ismen aapka koi dosh nahi. Jagannath ji kripalu hai. Mera koi karm bhog tha jisko pavitra karne ke liye aap logon ke dwara bhagwan ne aisi cheshta karai. Yah dekho ho sakta hai maine purv janm mein kisi ko jahr diya ho to aapke dwara prerit hokar Jagannath ji mere paap karm ko nivraat karana chahte isliye mujhe aap logon se jahr dilaya ismen aapka koi dosh nahi ye bhakt ka hriday wo mera karm bhog tha aap nishcint rahie mere hriday mein aapke prati koi bhi dosh buddhi nahi hai yah sab Jagannath ji ki leela hai ab aap aandit rahie main main aapke prati tanik bhi droh bhav nahi kar raha hoon aisa aur aap log mujhe daridra nich ke prati agar aisa bhav rakhte ho ki iske paas to kuch hai nahi.

ladki dukh paegi dusre ke saath byah kar de to yadi annapurna raji ho to aap byah kar do. Agar na raji ho to phir aisa aparadh mat karo. Main tumse prarthna karta hoon. Main zabardasti nahi kah raha. Yadi wah raji hai to aap kar do. Agar nahi raji hai to aap hi chhod do. Main Jagannath ji le jaaunga unko. Jagannath ji ke paas hi rahenge. Wahi bhiksha maang karke payenge. Aap aisa na karo. Iske baad Raghunath das ji japne lage. Bhagwan naam un logon se bolna band kar diya. Wo sato putr sahit gangadhar piche laute aur vichar karne lage ki kya karen?

ab kya karen? Raghunath das ji ne jo hamse kaha to kya karen? Ab annapurna to raji hai nahi ki dusre ke saath byah karen. Raghunath das ji ne unke jo diye hue kapde the utara apna phata chaddar le aao. Se odha aur jakar ke darwaze ke bahar baith gaye aur kaha yadi annapurna raji na ho to aap turant use bahar nikalo aur ham usko lekar Jagannath Puri jaenge. Agar wah raji ho to tum byah kar do. Main Jagannath Puri chala jaun. Wo bahar jakar ke virajman hue. Gangadhar bahut kuch vichar karne lage. Putro sahit andar gaye.

ab kya kiya jae? Annapurna ab tak to shant baithi thi. Kyonki prabhu uske pati jivit ho gaye the. Ab usne vichar kiya ki main bahar nikalkar apne dusht mata-pita se kah du ki ab tumhare roke nahi rukungi. Lekin wo pehle hi uske kamre mein tala laga diya gaya tha. Bahar se tala laga diya gaya tha. Ab to jab darwaza khola to bahar se band wo andar chhataptane lagi. Gangadhar ne annapurna ka akar ke jo wo khadabdane lagi to socha kahin koi bahar na sun le. To darwaza khola aur andar jakar usse kaha annapurna tu is bhikshuk raah ke bikhari jiske paas ek paisa bhi nahi to usko ab bhi pati manti hai ham logon ke paas kya nahi ho raha wo raj mantri hai sab sukh bhogegi kahe ko bikhari ke saath marna chahti hai uske hriday mein mano koi kisi ne chhuri mar di ho usne kaha ki tum log kitne abhage ho jo apni putri ke dharm ka nash karna chahte ho tum pita ho tumhen tumhen sankoch nahi aa raha aisa bolte hue ki mera pati hai aur tum dusre purush ke paas jane ke liye kah rahe ho.

abhi tak main kshma karti rahi. Dhyan dena agar main apne swaroop mein aa gayi to nasht kar dungi tumhen. Pativ dharm mein bahut badi samarth hai. Aaj wo krodhit hokar ke boli ki are tu pita hai. Pati hote hue mujhe vybhchar ke liye adesh kar raha hai. Dusre purush ke liye agar main apne swaroop mein aa gayi to tum sabko bhasm kar dungi. Nasht kar dungi. Kamp gaye. Pure parivaar ke jan kamp gaye. Ab wah hath kampte hue jod rahe hain aur kah rahe mujhe kshma karo. Ab to ek hi upay dikhayee de raha hai. Kisi tarah isko ghar se nikalo.

apne pati ke paas jae nahi aisa itna uska vikral rup dekha. Daivi shakti se sampann logon ko laga ki main bhasm ho jaaunga. Ham sab nasht ho jaenge. Usne hath jodkar ke kaha beti tu apne pati ke saath ja. Raghunath ka prabhav to dekh hi chuke jahr ka bhi prabhav annapurna ka yah rup dekhkar sakshat devi shakti se sampann ab to wo sab hath jodkar kahne lage tum jao apne pati ke saath gangadhar ne kuch prasannata prakt karne ke liye annapurna ko kaha ki ye dhan le lo unhone kaha mujhe nahi chahiye tumhara ek kauri dhan nahi chahiye aur apne pati ke charnon mein pranam kiya aur kaha chalo prabhu mujhe koi sukh suvida mujhe kisi bhi tarah ke sansarik ghar ki zaroorat nahi jahan aap ho aapke charan hi hamare liye sab ghar hai.

annapurna pati ke charnon mein pranam karke uske saath chal diya. Shighr chalie. Aise papiyon ke beech mein ek minute bhi yahan nahi rukna. Yah dasi har tarah se tayyar hai. Har kasht sahegi par aapke charnon ke samip rahegi. Ab gangadhar apne ladkon ke saath wapas aa gaye. Wo jai Jagannath bolkar ke apni patni ke saath Jagannath Puri ki taraf chalne lage. Ab in papiyon ko ab bhi chail nahi para. Vichar kiya ki kya kiya jae? Ab kya kiya jae? Ab to hamari baat sab radda ho gayi. Annapurna ki maiya ne kaha ek baat hai mantri ke ladke ko suchna de do ki maine to diya ladki tumhen apni.

tum chheenna chaho to chhin lo mar dalo usko bikhari ko aur ladki ko le jao. Usne turant apne putro ko bheja. Putr gaye aur mantri putr se kaha ki byah to tumhare saath pakka. Hamne apni bahan di. Lekin wo ek bikhari hai. Wo liye ja raha hai. Tumhari jo patni banne wali thi. Agar tum bacha sakte ho to chhin lo aur use mar do. Bhagwan ye bair virodh karne wale bhi kis mitti se bane hain? Inke hriday mein phir bhi shanti beti raji jane do. Lekin phir ab to wo dusht tha hi. Galat pravriti wala tha.

rajmantri putr tha. Usne tatkaal saikadon ghudaswaron ko adesh kiya astr shastr se susajit ho jao. Aur ek ghode par wo swayam savar hua aur chala. Ab ghod savaron ki chal aur paidel ki chal nagar ke bahar hi dekha ki wo age ja rahe hain. Patni ko liye hue Raghunath ji ghodo ki taap sunkar ke annapurna piche mud ke dekha to saikadon ghudaswar aur wo rajkumar wo dekhte hi dar gayi aur chillakar kahne lagi ye nich badmash log aa rahe hain. Prabhu kaise raksha karoge meri? Ab wah chikh ke rajkumar bola ae bikhari is sundari ko chodo is par mera adhikar hai aur main tumhen abhi nasht kiye.

Raghunath ne piche mud ke dekha ki to nazdik hi aa gaye. Wo bhakton ka to ek hi aashray hai prabhu. Usne apni patni se kaha Raghunath ji ne ki annapurna tum nirbhay raho. Ham jante hain Jagdish ko bahut kripalu hai. Bahut samarth are bole ab ye aa gaye. Dekho yah aa gaye aur ye aapko marenege hamen le jaenge. Kaise bach payenge? Bole phir bhi aap nirbhay raho. Ham jante hain prabhu hamare bahut leela bihari hai. Bahut samarthyshali hai. Tumhen bilkul nahi darna chahiye. Usne kaha ki main aapko chhodkar in dusht ke saath nahi jana chahti.

aise duston ka ek kshan bhi ham sang nahi karenge. Prabhu mujhe bacha lo. Raghunath ji jor se hanste hue bole tum darti kyon ho? Hamare Swami ki samarth ko tum janti nahi ho. Ab wo to ghabra ke shri Raghunath ji ka hath kas ke pakde hue hain aur udhar samne se do ghod savar atyant tejasvi astr shastron se susajit raftar se bijli ki tarah chalne wale ghodo mein baithe hue hain do wo nazdik aae idhar Raghunath ke taraf ek ghudaswar idhar ek ghadaswar kaha tum chinta mat karo main tumhen dekhkar hi samjh gaya ki tum vipatti mein fanse hue ho ham do ke liye pure tribhuvan ke aa jae ghodaswar to bhi kafi hai ham do ham do inke ke upar bhari rahenge.

tum chinta mat karna. Ab piche se wo jo mantri ka putr saikadon hazaron ghudaswaron ke saath tha. Usne dekha ki lakho ghudaswar uske saath hai. Do hi hai aur ye sakshat nar narayan bhagwan hai. Aur divya astron se susajit hai. Sarwashakti sampann usko dikhayee diya ki lakho ghudaswaron ne akar ke suraksha kavach bana liya hai Raghunath aur Raghunath ki patni ka. To ek kadam bhi age nahi badha. Bhayabhit hokar hi bhag gaya. Puri tak saath gaye. Puri ke tak saath gaye bhagwan nar narayan ghode par savar. Ab to ek adbhut anand donon ke hriday mein.

idhar idhar donon taraf suraksha ke swaroop mein liye hue prabhu chal rahe hain astr-shastr aur beech mein Raghunath aur unki patni jab Jagannath Puri ai tab unhone kaha tum jao kyonki hamen dusre karya karne hain aur chinta mat karna. Jab kabhi koi avshyakta ho to bula lena. Aap jahan yad karoge main aa jaaunga. Tab tak wo samjh hi nahi paye the ki the kaun. Jab chale gaye tab samjh mein aaya ki ye to bhagwan nar narayan the. Ye to sakshat bhagwan karuna karke aae. Donon gaye aur Jagannath Puri mein sinh paur par rahne lage.

arthat wahi ratri mein rahte jo bhiksha milti pate. Kisi dhani mani ne jab prichay jana ki sab kuch chhodkar ke aise aae hue hain. To Jagannath ji ke mandir ke dakshan ki taraf ek bhavan kharid diya. Donon pati patni wahan rahne lage aur bhagwan naam kirtan karte hue jeevan vyatit kiya.

yah path video ke swachalit (auto-generated) upasheershkon se liya gaya hai — ismen shabdon ki trutiyan ho sakti hain. Pramanik vachan ke liye video avashya sunen.

mul video: Bhajan Marg (YouTube)