sab kuch bhagwan ki ichchha se ho raha hai to phir paap aur punya kaise bante hain?

shri hit Radha keli kunj, Vrindavan mein pujya shri hit Premanand Govind sharan ji maharaj ke saath ekantik vartalaap. Sadhak apne jeevan aur sadhna ke prashn rakhte hain aur maharaj ji unka samadhan karte hain.

pura pravachan

Balkrishna ji ajmer se Radhe-Radhe Radhe-Radhe maharaj ji prabhu ji main aapse karm ka rahasya ya karm siddhant samjhna chahta hoon. Aap kahte hain ki bhagwat prapti evam bhagwat prapti ke alawa sab kuch vidhi ke vidhan ke anusaar hi hoga ya yun kahe ki sab kuch tay hai. Jab tak aap bhagwan ki bhakti dwara use badalne ka prayas nahi karte. Bhagwat prapti nahi tay hai. Bhajan nahi tay hai. Yah nahi tay hai. Yah kisi ke bhagya mein nahi likha hai. Yah ham naya bhajan karm karke apne purv praarabdh ko mitakar bhagwat prapti ki rachna karte hain.

manushya janm naye bhagya ki rachna ke liye mila hai. Yah purv karm ke adharit keval pashu ki tarah nahi hai ki pashu ka jeevan jitna jahan jaisa likha vaisa hi hoga. Manushya jeevan aisa nahi. Ham naya karm kar sakte hain. Do keval parinaam ham nahi badal sakte hain. Aaya hua dukh aur aaya hua sukh. Punya ke karm ke parinaam se hamen sukh aayega. Paap ke karm parinaam se hamen dukh aayega. Wah ham accha karm kar rahe hain is samay phir bhi hamen dukh bhogna padega. Bura karm kar rahe hain is samay. Agar punya ka chakra aa gaya to hamko sukh bhogna hai.

paap karte hue bhi wah sukh bhog raha hai. Punya karte hue bhi wah dukh bhog raha hai. Kyonki uska paap ka karm phal lag gaya. Is samay wah punya kar raha hai to use dukh bhogna padega. Wo paap karm kar raha hai. Punya ka yog lag gaya use sukh bhogna padega. Lekin bhagwat prapti nahi bhagya mein likhi hai. Iske liye hamko kamar kas ke purn prayas karke sadhna karni padti hai. Sansaar ke bhogon ka tyag, sansaar ki mamta, asakti ka tyag, sansarik vasnaon ka tyag, khub upasna ke dwara jo hamara man hai use pehle delete karna hai.

gandi baten jitni bhari hai sab hatani hai. Man ko khali karna hai. Aur usmen bhagwan ka naam, bhagwan ka rup, bhagwan ki leela, bhagwan ke gun, bhagwan ke bhakton ki mahima yah bharni hai to jab man pavitra ho jaata hai, nirmal ho jaata hai, wo bhagwat sakshatkar kar leta hai. Ye karna parta hai. Ye bhagya se nahi hota. Yah karna parta hai. Maharaj ji kah rahe hain ki jab prabhu ne apne aap se hi apne aap ka srijan kar rahe hain. Vinash kya tum apne ko brahm man rahe ho? Nahi man rahe na to bhogo na. Phir karta bhokta ban ke karmon ka phal aapko bhogna padega.

agar aap brahm swaroop mein sthit ho gaye apne swaroop mein to aapka sab karm nasht naam jap se haan naam jap se haan khas baat yah hai ki hamara sansaar ka chintan chhutna chahiye. To jab ham naam jap karte hain to sansaar ka chintan jo bhara hota hai man mein wo nikalta hai aur naam jap usmen thas thas ke ghaneebhut hota jaata hai to bhagwadakaar man ho jaata hai. Bhagwan ke naam mein apaar samarth hai. Bhagwan jaise sacchidanand aise bhagwan ka naam sacchidanand mein hai. Jap kar dekho phir batana kaisa anand aata hai. Koi bhi karya karen to pehle karke to dekhe tab uska parinaam samjh mein aayega.

keval anuman se bhagwan ke marg mein to chala nahi jaata. Anubhav se chala jaata hai. Ye keval anuman se nahi chala jaata. Anubhav se chala jaata hai. Anubhav gam mein bhaje je santa. To jab tak aapko anubhav nahi hoga tab tak aapki buddhi manegi nahi na. To uske liye aapko jap karna padega. Pavitra aacharan karne padenge. Pavitra bhojan pana padega. Pavitra vichar rakhne padenge. Tab param pavitra bhagwan ki taraf age badh sakte hain. Nahi to apvitra sansaar mein hi man raman karta hai. Gande dvaron mein sharir ke unhin ke bhogon ki chintan, rupya ka chintan, nashe ka chintan bas yahi sab chal raha hai.

dekho na samaj ko dekho jo adhyatma se rahit hain unka jeevan kitna khtrnak jeevan hai. To prabhu naam jap se ye sab chhut jaega. Ya kuch aur matlab bhagwan se prarthna karni padegi. Yah to swabhavic hriday mein jab pavitra aati hai to batchit bhagwan se shuru ho jati hai. Wo koi program ki tarah nahi hota. Jab ham jap karte karte phir dekhte hain hamare man mein bahut gandagi hai to apne aap prarthna shuru ho jati hai. He prabhu he karunamay main kitna prayas karun. Main prayas karke har raha hoon. Dekho prabhu phir man kam ki taraf ja raha hai.

phir man gandi vasna ho nath mujhe bal dijiye. Jaise prarthna hai, sant samagam hai, tirth avgahan hai. Ye apne aap shuru ho jaata hai. Jaisejaise pavitra hriday hota hai to jaise apvitra hriday to aapka man kahega gande jaghon ki taraf ghumne ka, gandi baton ko dekhne ka, gande bhogon ke bhogne ka aur jab pavitra hone lagega to aayega chalo kedarnath chalte hain. Isliye yah prashn aaya man mein aur ye anuman lagaya ki ye sab paap aur punya jo hai prabhu ne hi banaya hai. To ham bhi yadi hamari kismat mein paap likha hai.

likha nahi kismat mein nahi likha hai. Yadi hamne paap kiya hai. Ab ab nai kismat tum kya likhna chahte ho? Ye tumhare upar chhut hai. Tum nai kismat mein ekdam ek bhi paap na likhna chaho to ek bhi paap nahi likh sakte. Punya likhna chaho to punya hi punya likh sakte ho. Phir bhagwat prapti ko hi lakshya banain to to paap punya donon ko nasht karke bhagwat prapti karna hoga. Na punya rahega na paap. Naam jap se sab ho jaega. Ho jaega. Naam jap se sab ho jaega. Jinko Ram kahna bhi nahi aata tha wo jab mara mara shuru kiye to brahm rishi ho gaye ki nahi ho gaye?

aur dusra koi sadhan to unke paas tha nahi. Ajamil jeevan bhar vaishya gaman kiya paap kiya. Antim samay putr ke bahane se narayan nikal gaya to bhagwat prapt ho gaya. Naam ki badi mahima hai. Kaho kahan lage naam bardai Ram na sake naam gun gai. Swayam bhagwan apne naam ki mahima ko nahi ga sakte. Itni apaar mahima naam ki hai. Agar aap naam jap kar rahe ho to tirth yatan karo na karo. Naam jap kar rahe ho dan punya karo na karo sab kuch ho raha hai. Naam jap purn hai. Ji. Aur satsang sunna bhi satsang se naam jap mein priti hogi.

satsang se gande aacharan chhutenge. Satsang se bhagwat marg pusht hoga. Satsang se bhagwat marg mein utsah hoga. Satsang bhajan karaega. Satsang bhajan badhaega. Satsang bhajan pachaega. Satsang ati aniwarya hai. Agar satsang na hua to bhajan ho hi nahi sakta. Wo thoda bada hua aparadh bana khatm ho gaya. Age badh hi nahi sakta. Bhajan karna kathin karke bachana kathin aur bacha ke pachana kathin aur bhajan pach jae to bhagwat prapti ho jae. Bhajan bhi apach ho jaata hai. Nahi pach ho jaata. Bhajan ka jiska pach gaya na bada bhajnandi ek thappad bhi mar diya na bhagwan tumhara mangal karen bhagwan tumhari buddhi shuddh karen bhagwan tumhen sukh pradan karen kabhi dukh na pradan ye pache hue bhajan wale ki baat hai karat je anashhain nindak tinhu pe anugrah kiyo jo apni ninda karen apna apman karen jo apne ko dukh de unko bhi sukh dene ki bhavna ye pache hue bhajan ka lakshan hai uska bhajan pach raha hai jaise chaval pak jae na kahin se se bhi dabaw dab jaata hai.

aise Bhajnandi jo sant hain jinka bhajan pach gaya hai. Bade danya bade komal bade saral swabhav ke unmein katuta nahi milegi. Unmein kathorta nahi milegi. Sant saral chit jagat hit jaan swabhav sneh unka swabhav unka sneh sir sant te hoe na karya jane jab goswami ji ne sant ki paribhasha likhna ki sant ka kya swaroop ho sakta hai to bole bada komal sant ka swaroop hoga to bole kitna komal hoga bole makhan jaisa sant hriday navneet samana navneet kahte hain makhan ko. Phir chintan aaya ki makhan mein to dosh hai.

makhan jo hai nij paritap drav navneeta par dukh dravai susant puneeta. Bole sant hriday navneet samana. Kaha kabeen par kah na jana. Likh to diya chaupai mein sant ka hriday makhan ke saman par bole kavi ne kahna chaha par kah nahi paya sahi ismen galti ho gayi kya ki nij paritap drav navneeta swayam tap lagne par makhan pighalta hai lekin sant dusre ke dukh ko dekhkar dravit ho jaate hain. Par dukh drav su sant puneeta to sant ka hriday bhajnandi [gala saaf karne ki aawaz] ka hriday bhakt ka hriday bada komal saras aur bada kripal udaar ho jaata hai tabhi to use mahatma kahte hain sabko atma kahte hain aur use mahatma kahte hain mahan atma samjh pa rahe ho haan to ye bhagwan ke naam se ho jaega bhagwan ke charit suno shastr swadhyay karo satsang karo adhyatma mein chalo to tum mahan ban jaoge tumhara hriday mahan ho jaega

yah path video ke swachalit (auto-generated) upasheershkon se liya gaya hai — ismen shabdon ki trutiyan ho sakti hain. Pramanik vachan ke liye video avashya sunen.

mul video: Bhajan Marg (YouTube)